مزن وزیر شہباز شریف ءَ متحدہ عرب امارات ءِ راجی روچ ءِ درگت ءَ امارات ءِ سروکی ءُ اُلس ءَ را دل ءِ جہلانکی ءَ سلام پیش

اسلام آباد۔2دسمبر  (اے پی پی): مزن وزیر محمد شہباز شریف ءَ متحدہ عرب امارات ءِ راجی روچ ءِ درگت ءَ امارات ءِ سروکی ءُ الس ءَ را دل ءِ جہلانکی ءَ چہ سلام ءُ دروت گوشت۔ سئے شمبے ءِ روچ ءَ سوشل نیٹ ورکنگ ویب سائٹ ’ایکس‘ ءِ سر ءَ یک کلوہ ءِ تہ ءَ مزن وزیر ءَ گوشت کہ پاکستان امارات ءِ گوما وتی دیریں ءُ نزیکیں شریکداری ءَ را ارزشت دنت، ایشی ءِ بنیات وت مہ وتی احترام، یکجائی نفاد ءُ دوئیں ملک آنی الس آنی نیام ءَ گہتریں سیادی ءِ سر ءَ اِنت۔ آئی ءَ گوشت کہ امارات ءَ زندگیں پاکستانی کمیونٹی دوئیں ملک آنی نیام ءَ سربلندیں پُل ءِ کرد ءَ پیلو کنگ ءَ انت ءُ امارات ءِ دیمروئی ءُ وشھالی ءِ واستہ سرگرم انت۔ مزن وزیر ءَ گوشت کہ شیخ محمد بن زاید النہیان ءِ وژن ءَ امارات ءَ را دیمروئی، نوک کنگ ءُ جھان ءِ پڑ ءَ را نامداریں بستار ءِ ھاترا دیم ءَ برگ بوتگ۔ مزن وزیر ءَ دوئیں ملک آنی نیام ءَ جتا جتائیں شوبگ آنی تہ ءَ یکوئی ءَ را گیش مھکم کنگ ءُ دوئیں ملک آنی واستہ رژنائیں ءُ وشھالیں باندات ءِ واستہ دو نیمگی شریکداری ءَ را دیمروئی دیگ ءِ جزم ءِ درشان کت۔