وفاقی وزیر داخلہ ءُ منشیات ءِ کنٹرول محسن نقوی ءَ لاہور بالی پٹ ءِ تر ءُ تاب کتگ، امیگریشن کاؤنٹر، نوکیں نظام ءِ چار ءُ تپاسی

لاہور۔2دسمبر  (اے پی پی): وفاقی وزیر داخلہ ءُ منشیات ءِ کنٹرول محسن نقوی ءَ لاہور بالی پٹ ءِ تر ءُ تاب کتگ، اودا آئی ءَ امیگریشن کاؤنٹر، مسافر آسراتی ءُ نوکیں نظام ءِ سرا چار ءُ تپاسی کتگ۔ تر ءُ تاب ءِ ساھت ءَ وزیر داخلہ ءَ امیگریشن کاؤنٹر آنی سر ءَ ٹریول ہسٹری ءَ را شناختی کارڈ ءُ پاسپورٹ ءِ گوما یکجا کنگ ءِ نظام ءِ چار ءُ تپاسی کت۔ محسن نقوی ءَ ڈائریکٹر ایف آئی اے علی زا ءُ آئی ءِ ٹیم ءِ تیز ءُ شفاف امیگریشن سسٹم ءِ سر ءَ کارکردگی ءِ توسیپ کت۔ وفاقی وزیر داخلہ ءَ درملکی ملک آنی واستہ روگ ءَ مسافر آنی گوما گند ءُ نند کتگ ءُ امیگریشن ءِ عمل ءِ بابت ءَ جست ءُ پرس کتگ۔ آئی ءَ درملک ءَ چہ وطن ءَ واتر بوؤکیں مسافر آنی کاؤنٹر آنی سر ءَ ھم تر ءُ تاب کت۔ مسافراں ​​وزیر داخلہ ءَ را گشتگ کہ نوں امیگریشن ایوک ءَ دو منٹ ءَ سرجم کنگ بوہگ ءَ انت ءُ نظام پیسر ءَ چہ باز شرتر بیت۔ مسافراں ​​ایف آئی اے ءِ کارندہ آنی رویہ ءُ کارکردگی ءِ سر ءَ دلجمی ءِ درشانی کتگ۔ اے موہ ءِ سر ءَ تران کنان ءَ محسن نقوی ءَ گوشت کہ سرجمیں ٹریول کاگد ءِ واھندیں ھچ مسافر ءَ را سفر کنگ ءَ چہ رکگ نہ بوھگ ءَ انت ءُ رکگ نہ بیت، البت ناسرجم یا جعلی کاگد ءِ واھندیں مسافر آناں کدی ھم سفر ءِ موہ دیگ نہ بیت۔ آئی ءَ گوشت کہ پاکستان ءِ شرپ مئے درستانی شرپ انت کجام ھم مسافر کہ وطن ءَ بدنامی کاریت آئی ءَ را سفر ءِ موہ نہ دیگ بیت۔ تر ءُ تاب ءِ وھد ءَ وزیر ءِ تہی کارانی گوما ڈائریکٹر ایف آئی اے علی زے ءُ ایندگر سیادی داروکیں افسر ھم ساڑی بوتگ اَنت۔