قرآن ماں وانگ ءُ زانگ ءِ ادارگاں اولی ءَ بگر داں پنچمی کلاس ءَ ءُ گوں ترجمہ ءَ چہ ششمی ءَ بگر داں دہمی کلاس ءَ وانینگ بوھگ ءَ اِنت، ڈاکٹر طارق فضل چوہدری

اسلام آباد۔ یکم دسمبر (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ گوشت کہ اولی ءَ بگر داں پنچمی تبک ءَ وانگ ءُُ زانگ ءِ ادارگ آنی تہ ءَ قرآن وانینگ بوھگ ءَ اِنت ءُُ ششمی ءَ بگر داں دہمی تبک ءَ ترجمہ ءِ گوما عربی زبان ءَ را ششمی ءَ بگر داں دوازدھمی تبک ءَ اختیاری مضمون ءِ رنگ ءَ ھوار کنگ بوھگ ءَ اِنت۔ دوشمبے ءِ روچ ءَ ایوان بالا ءِ دیوان ءَ کامل علی آغا ءِ نیمگ ءَ پیش کتگیں قرارداد ءِ سر ءَ آئی ءَ گوشت کہ اولی ءَ بگر داں پنچمی کلاس ءَ سرجمیں وانگ جاھاں اسلامی زانت سبق ءِ رنگ ءَ وانینگ بوھگ ءَ اِنت، وھدیکہ قرآن پاک ششمی ءَ بگر داں دہمی کلاس ءَ ترجمہ ءِ گوما لازمی مضمون ءِ رنگ ءَ وانینگ بوھگ ءَ اِنت، اے چیز مئے نصاب ءَ پیسر ءَ چہ ھست اَنت۔ آئی ءَ گوشت کہ عربی زبان ششمی ءَ بگر داں دوازدھمی کلاس ءَ اختیاری مضمون ءِ رنگ ءَ ھوار کنگ بیت۔