فیڈرل سروس ٹربیونل ءِ درستیں کیمپ آفس سرجمی ءَ کار کنگ ءَ اَنت، کیمپ آفس کراچی ءِ بے کار بوھگ ءِ بابت ءَ گردش کنوکیں ھال بے بن اَنت، بیرسٹر عقیل ملک

اسلام آباد۔ یکم دسمبر (اے پی پی): کانود ءِ وزیر مملکت ءِ بیرسٹر عقیل ملک ءَ گوشت کہ فیڈرل سروس ٹربیونل ءِ سرجمیں کیمپ آفس ھاسیں رنگ ءَ کیمپ آفس کراچی سرجمی ءَ کار کنگ ءَ اَنت ءُُ شیڈول ءِ رد ءَ کار کنگ ءَ اَنت، کیمپ آفس کراچی ءِ بے کار بوھگ ءِ بابت ءَ شنگ بوھوکیں ھال بے بن اَنت۔ دو شمبے ءِ روچ ءَ آئی ءَ راجی اسمبلی ءَ گوں تران کنان ءَ گوشت کہ 2023 ءُُ 2024 ءِ جتا جتائیں کیس انوگیں کارروائی ءِ رد ءَ کیمپ ءِ کارگس آنی تہ ءَ گوشدارگ بوھگ ءَ انت وھدیکہ ٹربیونل ءِ اسلام آباد ءَ دائمی کارگس است انت۔ کیسانی تہا تاخیر ءِ چہ بچگ ءِ ھاترا ہفتگی ءُ دو ہفتگ ءَ پد ویڈیو لنک ءِ وسیلہ ءَ گوشدارگ ہم کنگ بیت۔ بیرسٹر عقیل ملک ءَ گوشت کہ ایف ایس ٹی کیمپ آفس کراچی ءَ 5 مئی 2025 ءَ بگر داں 9 مئی 2025 ءَ باقاعدہ کار کتگ، ھمے رنگ ءَ 14 مئی 2025 ءَ بگر داں 18 مئی 2025 ءَ کیس گوشدارگ بوتگ اَنت ءُ مرچیگیں روچ ءَ تاں دست کپتگیں نوکیں زانتکاری ءِ رد ءَ دسمبر 2025 کراچی ءَ ھم ءِ سر ءَ کار کتگ۔ فیڈرل سروس ٹربیونل کیس آنی وھد ءِ سر ءَ گوشدارگ ءُ نادراھی آنی گیواری ءَ را دل یکیمی کنگ ءِ تہ ءَ وتی سرجمیں کرد ءَ پیلو کنت۔