پارلیمنٹ ءِ شرپ، ازت ہرکس ءَ دوست انت، اعظم نظیر تارڑ

اسلام آباد۔ یکم دسمبر (اے پی پی): کانود ءُ انصاف ءِ وفاقی وزیر سینیٹر اعظم نظیر تارڑ ءَ گشتگ کہ راجدپتر ءَ اے گپ ثابت کتگ کہ تحریک انصاف ءِ سرکار ءَ چہ درآہگ ءِ فیصلہ رد بوتگ، اگاں آ گسانی تہا بوتیں بوت کنت اے جاور نہ بوتگ اتنت۔ دو شمبے ءِ روچ ءَ راجی اسمبلی ءِ دیوان ءَ اے گپ ءَ گوں گشتانک دیان ات۔ وفاقی مزن وزیر نذیر ترار ءَ گوشت کہ پارلیمنٹ ءِ عزت، احترام ءُُ مقدسیت ہرکس ءَ را گران اِنت، گشگ بوتگ کہ مارا دیوال ءِ سرا مہ جن اِت، راجدپتر ءَ چہ پدر اِنت کہ پی ٹی آئی ءِ اسمبلی ءَ چہ درآہگ ءِ پیسلہ رد بوتگ، اے ثابت بوتگ، اگاں آہاں سیاسی پیسلہ کتگ ات، ایوان نہ بوتگ ات۔ راج ءِ نیک راھی بوھگ ءِ بدل ءَ اقتدار ءَ را ترجیح داتگ۔ آئی ءَ گوشت کہ راجدپتر کجام ھم نیمگ ءَ کتگیں ردی آناں کدی ھم معاف نہ کنت۔ آئی ءَ مزن وزیر ءِ بیان ءِ دوبر زور پر دات کہ پاکستان اگاں مانیت گڑا ما درست ماناں ءُ تحریک انصاف ءِ بن ھشت ایر کنوک ھم سیاست کنت ۔ آئی ءَ گوشت کہ ذوالفقار علی بھٹو دار ءِ سر ءَ برگ بوتگ، بے نظیر بھٹو شھید کنگ بوتگ، زھرشانی بوتگ بلے یک خاصیں دائرہ ءِ تہ ءَ بوتگ، محمد نواز شریف دو رند ءَ نااہل کنگ بوتگ بلے ما اُرش نہ کتگ ۔ آئی ءَ گوشت کہ گورنر ءِ حکومت مارشل لاء ءِ یک رنگے نہ اِنت بلکیں آئین ءِ تہ ءَ داتگ، اگاں شرط آئین ءِ آرٹیکل 232-234 ءِ رد ءَ بہ بنت گڈا گورنر ءِ حکومت آئینی کارروائی بیت، غیر آئینی کارروائی ایش اِنت کہ پولیس ءِ گاڑی ءِ کارمرد کنگ ءَ فیڈریشن ءِ سر ءَ اُرش کنگ بہ بیت۔ غیر آئینی ءِ رد ءَ بوتگ۔ آئی ءَ گوشت کہ ما زندان ھم سُتکگ اَنت، مئے رھشونی ءَ بے احترامی کنگ بیتگ، اسپتالاں چہ دزگیر کنگ بیتگ بلے آ رنگ ءَ کنگ نہ بوتگ کہ انوگ ءَ بوھگ ءَ اِنت۔