راجی اسمبلی ءِ اسپیکر سردار ایاز صادق ایوی ایشن ڈویژن ءِ کارندہ آنی حاضری ءِ نہ بوھگ ءِ پد ءَ دلپدردی ءِ درشانی

اسلام آباد۔ یکم دسمبر (اے پی پی): راجی اسمبلی ءِ اسپیکر سردار ایاز صادق ءَ ایوی ایشن ڈویژن ءِ کارندہ آنی نہ حاضری ءِ سر ءَ زہرشانی درشان کتگ ءُ ڈویژن ءِ سیکرٹری طلب کتگ۔ دو شمبے ءِ روچ ءَ راجی اسمبلی ءِ دیوان ءِ ساھت ءَ جست ءُُ پرس ءِ وھد ءَ وھدے باسک آناں وتی ایوی ایشن ءِ جُست آنی ھاسیں پسو نہ رستگ گڑا اسپیکر راجی اسمبلی ءَ وفاقی پارلیمانی سیکرٹری زیب جعفر ءَ گوں تران کنان ءَ گوشت کہ ایوی ایشن ڈویژن ءِ کارندہ پرچا ھوار نہ بوتگ اَنت آھاں ھوار بوھگی اَت۔ آئی ءَ گوشت کہ اے وھد ءَ اے گپ گشگ بہ بیت کہ زمہ وار کئے انت، ایشی ءِ پجارینگ ءُُ گامگیج زورگ المی انت۔