وزیراعظم محمد شہباز شریف نا لکی مروت اٹی پولیس موبائل نا خڑک دہشت گرد جلہو نا مذمت

اسلام آباد۔ 01 دسمبر (اے پی پی) وزیراعظم محمد شہباز شریف لکی مروت اٹی پولیس موبائل نا خڑک دہشت گرد جلہو نا مذمت ءِ کرسا دہشت گرد آتا ناپاک عزم ءِ مش تا کننگ نا عزم انا درشانی ءِ کرینے۔ دوشنبے نادے آ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم واقعہ ٹی شہید کارندہ کن بخشش و خاہوت آتیکن صبر واستقامت نا دعاکرے۔ وزیراعظم ٹھپی تے دمدستی طبی امداد فراوان کننگ نا پارت کرے و اوفتا زوت دراخ جوڑی کن دعاکرے۔ اوپارے کہ کودک  شاری تا جون ومال انا دشمن دہشت گرد آتا پورو توننگ کن حکومت سنبرینگوک ءِ۔