وزیر ڈٹ بندی پروفیسر احسن اقبال نا پاکستان پاپولیشن سمٹ آن تران ، خور انا کمتی نا گواچی و آبادی مینجمنٹ قومی اولیت

اسلام آباد۔ 01 دسمبر (اے پی پی) بنجائی وزیر ڈٹ بندی، شونداری و اصلاحات و خصوصی گام گیج پروفیسر احسن اقبال پارینے کہ حکومت جان جوڑی، غذائیت، تعلیم، راجی رکھ ، دیر و ہندی حکومت کون آ چندی بشخ آتے مربوط کرسا ہلہلہ ئی گام گیج آتا کنڈآ ہِننگ ءِ۔ دوشنبے نادے آ ویڈیو لنک اناکمک اٹ تران اٹی اوپارے کہ وزیراعظم شہباز شریف خور انا کمتی نا گواچی و آبادی مینجمنٹ ءِ قومی کہول آ غٹ آن بھلا اولیت گوندانے۔ اوپارے کہ حکومت جان جوڑی، غذائیت، تعلیم، راجی رکھ ، دیر و ہندی حکومت کون آ چندی بشخ آتے مربوط کرسا ہلہلہ ئی گام گیج آتا کنڈآ ہِننگ ءِ۔ پروفیسر احسن اقبال پارے کہ بڑزکو اسٹنٹنگ والا ملک آک تینا جی ڈی پی نا 2 درسد ءِ سالانہ گوہرہ ، وخت اس کہ سٹنٹڈ (نزور نشوونما والا) چناک تینا زند اٹی 22 درسد اسکان کم کٹیاکیرہ ۔ اومستی پارے کہ دا ویل بیرہ جان جوڑی نا اف بلکن قومی پیداواریت نا تنکی ءِ و پاکستان نا مریس مدی زرگزرانی پائیداری کن خطرہ اس ہم ارے۔ او 2050 اٹی آبادی نا 370 ملین اسکان سرمننگ نا گمان نا حوالہ ءِ ترسا اودے’’آخبت نا سوگوی و شونداری کن فیصلہ کن چیلنج‘‘ اس گوندا۔ پاکستان پاپولیشن سمٹ، ہرا اسلام آباد اٹی ڈان میڈیا گروپ نا کنڈآن اڈ ہلک۔ آبادی ٹی توازن نا بحالی و پائیدار آخبت نا جوڑ کننگ نا بابت قومی مکالمہ فراوان کیک۔ دااِرادے ئی سمٹ اٹی سیاست دان ، معاشیات نا چاہندار، شونداری چاہندار، نجی بشخ انا راہشون و ایلو چاہندار آک شریک ءُ تانکہ ودوک آ آبادی نا جا ن جوڑی ، خور، دِیر و روزگار آ تموک آ زور انا رداٹ اسیجائی وژن اس ٹہیفنگ مرے۔