جمہوریت و پارلیمنٹ نا برخلاف ہرسازش ءِ بے سہب کینہ، اسپیکر قومی اسمبلی سردار ایاز صادق

اسلام آباد۔ 01 دسمبر (اے پی پی) اسپیکر قومی اسمبلی سردار ایاز صادق پارلیمنٹ نا بالادستی و رکھ انا پیدوار کلہو ءِ ترسا پارینے کہ جمہوریت و پارلیمنٹ نا برخلاف ہر سازش ءِ بے سہب کینہ۔ دوشنبے نادے آ تینا اسہ بیان اسے ٹی اوپارے کہ پارلیمنٹ نا برخلاف شرپسند آک اسہ وار ولدا متحرک مسنوو پارلیمنٹ ءِ کانود سازی آن توننگ نا بے سہب کوشست کننگ ءُ، 2014ٹی بے سہبی آن پد پارلیمنٹ آ دُوارہ جلہو نا بے سہب سازش ءِ۔ اوپارے کہ پارلیمنٹ و جمہوریت نا برخلاف ہرسازش ءِ بے سہب کینہ۔ اسپیکر قومی اسمبلی پارے کہ پارلیمنٹ نا برخلاف سازش کروک و آئین نا بالادستی نا ہیت ءِ کروک آ پن انا لیڈر تینا زنچک اٹ ہرے، پارلیمنٹ ، آئین ، کانود و امن وایمنی آ ہچ ءُ سمجھوتہ اس مفک، پارلیمنٹ اٹی تولسا پارلیمنٹ نا برخلاف سازش کروک آ ریاست پاکستان نا دشمن ءُ، بطور کسٹوڈین پارلیمنٹ نا رکھ ننا زمواری ءِ۔