اسلام آباد۔ 01 دسمبر (اے پی پی) نائب وزیراعظم و وزیرخارجہ سینیٹر محمد اسحاق ڈار نا کماشی ٹی جمہوریہ کرغزستان نا صدر نا دورہ پاکستان آن مست تیاری تا جاچ ءِ ہلنگ کن اہم دیوان اس اڈ ہلک۔ دوشنبے نادے آ وزارت خارجہ غان جاری بیان نا رداٹ دیوان اٹی دورہ ٹی طے مروک غٹ اہم ایجنڈا ٹک آتیا پیش رفت نا جاچ ءِ ہلنگا و بڑزکو کہولی اوڑدہی …
نائب وزیراعظم و وزیرخارجہ سینیٹر محمد اسحاق ڈار نا کماشی ٹی کرغز صدر نا دورہ پاکستان نا بابت جاچ دیوان
اسلام آباد۔ 01 دسمبر (اے پی پی) نائب وزیراعظم و وزیرخارجہ سینیٹر محمد اسحاق ڈار نا کماشی ٹی جمہوریہ کرغزستان نا صدر نا دورہ پاکستان آن مست تیاری تا جاچ ءِ ہلنگ کن اہم دیوان اس اڈ ہلک۔ دوشنبے نادے آ وزارت خارجہ غان جاری بیان نا رداٹ دیوان اٹی دورہ ٹی طے مروک غٹ اہم ایجنڈا ٹک آتیا پیش رفت نا جاچ ءِ ہلنگا و بڑزکو کہولی اوڑدہی تیکن بست و بند آتا معائنہ ءِ کننگا۔ دیوان اٹی طے مروک مفاہمتی یات داشت (ایم او یوز) و معاہدہ غاتیا سرجمی اٹ گپ وتران مس، ہراٹی چندی بشخ آتیٹی ہڑتوم آ کنڈآتا کمکاری ءِ سوگو کننگ آ چکار ئس۔ وزیراعظم نا خصوصی کمکار طارق باجوہ، سیکرٹری خارجہ آمنہ بلوچ و تعلقدار وزارت و محکمہ غاتا سینئر آفیسر آک دیوان اٹی بشخ ہلکر و بین الوزارتی کمکاری و دااہم دورہ ءِ سرسہب و بامسخت جوڑ کننگ نا پاکستان نا عزم انا درشانی ءِ کریر۔
