نائب مزن وزیر محمد اسحاق ڈار ءَ  کینیڈین  ہائی کمشنر طارق علی خان ءَ گوں گند ءُ نند

اسلام آباد۔1دسمبر  (اے پی پی): نائب مزن وزیر ءُ درئی کارانی وزیر محمد اسحاق ڈار ءَ درئی کارانی کارگس ءَ کینیڈین  ہائی کمشنر طارق علی خان ءَ گوں گند ءُ نند کت۔ درئی کارانی کارگس ءِ نیمگ ءَ چہ جاڑی بوتگیں بیان ءِ رد ءَ نائب مزن وزیر ءُ دری کارانی وزیر سینیٹر  محمد اسحاق ڈار ءَ پاکستان ءُ کینیڈا  ءِ نیام ءَ سیادی آنی تہ ءَ جوانیں دیمروئی ءُ برجاھیں مزن تک ءِ رابطہ آناں ساڑاتگ ءِ وھد ءَ اقتصادی، تجارتی، سرمایہ کاری، کشت ءُ کشاری ءُ الس ءِ دیمروئی ءَ را گیش مھکم کنگ ءِ سر ءَ زور پر دات۔ نائب مزن وزیر ءُ وزیر ءِ درئی کار ءَ دو نیمگی سیادی ءَ را دیمروئی دیگ ءَ پاکستانی کمیونٹی ءِ ھاسیں کرد ءَ را ھم ساڑات۔ ہائی کمشنر ءَ پاکستان ءَ  کینیڈین کینولا ءِ درآمد کنگ ءِ واستہ نائب مزن وزیر ءُ دری کارانی وزیر ءِ کمک ءِ سر ءَ توسیپ ءُ ستا گپت ءُ ریکو ڈیک منصوبگ ءِ سر ءَ بریک گولڈ ءِ دیمروئی ءِ ھواری ءَ ایندگہ کینیڈین  کمپنی آنی پاکستان ءَ سرمایہ کاری ءِ واھشت ءِ ھم  درشان کت۔