وفاقی داخلہ ءِ وزیر محسن نقوی ءَ پولیس ءِ گاڑی ءِ نزیک ءَ وت کُشیں تراک ءِ سک باز مذمت کتگ، شہیدیں افسر ءَ را توسیپ ءُ ستا

اسلام آباد۔1دسمبر  (اے پی پی): وفاقی تہی کارانی وزیر محسن نقوی ءَ لکی مروت ءَ پولیس ءِ گاڑی ءِ کش ءَ وت کُشیں تراک ءَ را سک مذمت کتگ ءُ شہید بوتگیں پولیس افسر ءَ را توسیپ ءُ ستا گپتگ۔ آئی ءَ شہیدیں افسر ءِ کھول ءِ گوما دل ءِ تہ ءَ ھمدردی ءُ دلپدردی ءِ درشانی کتگ ءُ ٹپیگیں افسر آنی زوت جان سلامتی ءِ دعا کتگ۔ وزیر داخلہ محسن نقوی ءَ وتی گشتانک ءِ تہ ءَ گوشت کہ فتنہ الخریج ءِ بزدلیں کار ناشرکاری ءِ ھلاپ ءَ راج ءِ مھکمیں جزم ءَ را نزور کت کن اَنت۔ آئی ءَ اے گپ پدر کت کہ کے پی کے ءِ پولیس ءَ ناشرکاری ءِ ھلاپ ءَ جنگ ءَ ابدمانیں قربانی داتگ ءُ اے شرپداریں قربانی آناں بے سوب بوھگ ءِ موہ دیگ نہ بیت۔ وفاقی وزیر داخلہ ءَ گوشت کہ راج دژمنیں عناصر آنی حلاف ءَ آپریشن سرجمیں زور ءَ گوں برجاہ بیت ءُ امن ءُ ایمنی ءِ برجائی ءِ واستہ ھمک ممکن گامگیج کنگ بیت۔