وفاقی وزیر خزانہ سینیٹر محمد اورنگزیب ءِ گشگ انت کہ موسمیاتی بدلی ءُ آبادی ءِ گیشی ءِ وڑیں زوتیں ءُ ھاسیں چیلنج آنی سر ءَ چہ دیم ءَ رؤگ المی

اسلام آباد۔1دسمبر  (اے پی پی): وفاقی وزیر خزانہ سینیٹر محمد اورنگزیب ءَ گوشت کہ ملک ءِ راستیں اقتصادی گنجائش ءِ درشان کنگ ءِ واستہ موسمیاتی بدلی ءُ آبادی ءِ گیشی ءِ وڑیں ترندیں ءُ ھاسیں چیلنج آناں چہ دیم ءَ رؤگ المی اِنت۔ آئی ءَ اے گپ دو شمبے ءِ روچ ءَ ’’پاکستان آبادی ءِ سروک دیوان 2025‘‘ ءَ گوں تران کنان ءَ گوشت۔ وزیر خزانہ ءَ وسیلگ آناں اولیت ءِ بنیاد ءَ دوبر بھر ءُ بانگ ءِ ضلورت ءِ سر ءَ ھم زور پر دات، تانکہ سرمایہ کاری ءُ گامگیج آناں ھما شوبگ آنی تہ ءَ اولیت دیگ بہ بیت کہ آھاں گیش ترندیں دلگوشی ءِ ضلورت اِنت۔ آئی ءَ گوشت کہ نیشنل فنانس کمیشن ءِ ایوارڈ ءِ ھوالگ ءَ آیوکیں گپ ءُ تران تپاکی ءِ وسیلگ ءَ پیسلہ کنگ بیت تانکہ توامیں فریق آنی مفاد آنی توازن برجا بہ بیت۔ سینیٹر محمد اورنگزیب ءَ گوشت کہ کنٹری پارٹنرشپ پروگرام ءِ چیر دستی ءَ ایشیائی دیمروئی بینک آیوکیں دہ سال آنی واستہ ھمک سال دو ارب ڈالر کمک کنت۔ آئی ءَ گوشت کہ اے پروگرام ءِ شش مستریں ایجنڈا ءِ تہ ءَ چار ملک ءِ ھاسیں جیڈھ آناں موسمیاتی بدلی ءُ آبادی ءِ سر ءَ دلگوشی دیگ بوتگ۔ آئی ءَ گوشت کہ اے حکومت ءِ ذمہ واری انت کہ آ اے رنگیں منصوبگ ءُ گامگیج جوڑ بہ کنت کہ اے چیلنج آنی گیواری ءَ جوانیں رنگ ءَ ثابت بہ بنت۔ وزیر خزانہ ءَ گیش گوشت کہ پاکستان زوت وتی اولی اسکلز امپیکٹ بانڈ ءِ بندات کنت، ایشی ءِ مول ءُ مراد ورنا آنی مہارت آناں گہتر کنگ ءُ آ ملک ءِ دیمروئی ءِ تہ ءَ سرگرمیں کرد پیلو کنگ ءِ ھاترا توانمند کنگ اِنت۔ آئی ءَ گوشت کہ ورنا آناں نوکیں ھنر آنی تہ ءَ ھوار کنگ ملک ءِ اقتصادی دیمروئی ءِ واستہ سک باز المی اِنت۔ آئی ءَ اے موہ ءِ سر ءَ گوشت کہ مارا دیمروئی کنوکیں موسم ءُ آبادی ءِ زور ءَ گوں گر ءُ چیل بوھگ ءُ ملک ءِ راستیں اقتصادی توانائی ءَ را کارمرد کنگ ءِ واستہ ترند ءُ موثر گامگیج آنی ضلورت اِنت۔ پاکستان ءِ آبادی ءِ سروک دیوان 2025 ءَ سرکاری محکمہ آنی نمائندگ، کارندہ، دیمروئی ادارگ ءُ سول سوسائٹی ءِ ھم بھر زرتگ ات، ایشی ءِ تہ ءَ آبادی، جان سلامتی، وانگ ءُ زانگ ءُ وردن ءِ پڑ ءَ یکجاھیں حکمت عملی آنی سر ءَ گپ ءُ تران کنگ بوتگ ات۔