منصوبہ بندی ءِ وزیر پروفیسر احسن اقبال ءَ پاکستان ءِ آبادی ءِ سروک دیوان ، پاپولیشن سمٹ    ءَ گوں گشتان، وردن  ءُ وراک ءِ ڈکال ءِ آماچ  ءُ آباتی منیجمنٹ راجی ترجی

اسلام آباد۔1دسمبر  (اے پی پی): منصوبگ بندی، دیمروئی ءُ اصلاحات ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ حکومت جان سلامتی، وردن، وانگ ءُ زانگ، چاگردی سلامتی، آپ ءُ بنجاہی حکومت ءِ وڑیں بازیں شوبگ آناں یکجا کنگ ءَ ہنگامی گامگیج آنی نیمگ ءَ روگ ءَ اِنت۔ دوشمبے ءِ روچ ءَ ویڈیو لنک ءِ وسیلگ ءَ وتی کلوہ ءِ تہ ءَ آئی ءَ گوشت کہ مزن وزیر شہباز شریف ءَ راجی تک ءَ وردن ءُ وراک ءِ بے ایمنی ءُ آبادی ءِ گر ءُ دار ءَ را اولی ترجی ءِ جار جتگ۔ آئی ءَ گوشت کہ حکومت جان سلامتی، وردن، وانگ ءُ زانگ، چاگردی سلامتی، آپ ءُ بنجاہی حکومت ءِ وڑیں بازیں شوبگ آناں یکجا کنگ ءَ ہنگامی گامگیج آنی نیمگ ءَ روگ ءَ اِنت۔ پروفیسر احسن اقبال ءَ گشتگ کہ ہائی سٹنٹنگ ءِ ملک سالانہ وتی جی ڈی پی ءِ 2 ءَ چہ 3 درسد گار کن انت وھدے کہ سٹنٹنگ ءِ زہگ وتی سرجمیں زند ءَ 22 درسد ءَ تاں کم کمائی کن انت۔ آئی ءَ گیش کرتگ کہ اے جیڈھ ایوک ءَ جان سلامتی ءِ جیڈھ نہ اِنت بلکیں راجی پیداواری ءِ جیڈھ ھم اِنت ءُ پاکستان ءِ دراجیں مدتی اقتصادی برجائی ءِ واستہ ھم ھترہ اِنت۔ آئی ءَ 2050 ءَ تاں 370 میلیون ءِ آبادی ءَ را “آؤکیں استحکام ءُ دیمروئی ءِ ھاتر ءَ فیصلہ کنوکیں چیلنج” ءِ رد ءَ گشتگ۔ اسلام آباد ءَ ڈان میڈیا گروپ ءِ نیمگ ءَ برجم داشتگیں پاکستان آبادی ءِ سروک دیوان ءَ آبادی ءِ توازن ءِ بحالی ءُ پائیداریں آیوکیں وھد ءِ جوڑیشت ءِ ھوالگ ءَ راجی گپ ءُ تران ءِ وسیلگ ءَ دیم ءَ آرگ بیت۔ دو روچی سروک دیوان ءَ سیاست دان، معاشیات زانت، دیمروئی ءِ ماہرین، نجی شعبہ ءِ رہشون ءُ ایندگر ماہرین یکجاہ بنت تانکہ یک مشترکہ وژن ءِ جوڑ کنگ بہ بیت کہ آ یک دیمروئی کنوکیں آبادی ءِ نیمگ ءَ چہ جان سلامتی، وردن، آپ ءُ روزگار ءِ سرا دباؤ ءِ رژنائی ءَ جوڑ بہ کن انت۔