رانا مشہود احمد خان ءَ پاک فوج ءِ ایتھلیٹ آناں ورلڈ فٹنس چیلنج ءُ باڈی بلڈنگ چیمپئن شپ ءِ سوبمندی ءِ پد ءَ مبارک بات

اسلام آباد۔1دسمبر  (اے پی پی): چیئرمین مزن وزیر ورنا پروگرام رانا مشہود احمد خان ءَ پاک فوج ءِ ایتھلیٹ آناں ورلڈ فٹنس چیلنج ءُ باڈی بلڈنگ چیمپئن شپ ءِ سوبمندی ءِ پد ءَ مبارکی دات۔ دو شمبے ءِ روچ ءَ مزن وزیر ورنا پروگرام ءِ نیمگ ءَ جاڑی بوتگیں بیان ءِ رد ءَ مزن وزیر ورنا پروگرام ءِ چیئرمین رانا مشہود احمد خان ءَ سعودی عرب ءَ ورلڈ فٹنس چیلنج ءُ باڈی بلڈنگ چیمپئن شپ ءِ سوبمندی ءِ پد ءَ پاک فوج ءِ سئے ایتھلیٹ آناں مبارک بات داتگ۔ رانا مشہود احمد خان ءَ گوشت کہ اے پاکستان ءِ واستہ فخر ءِ گپ انت، اے سوبمندی ءَ سرجمیں راج ءَ را فخر کتگ ءُ لیب ءُ گوازی ءِ دگنیا ءَ پاکستان نامدار کتگ۔ اے درستیں ورنا پہ سرجمیں راج ءَ رول ماڈل اَنت۔ سرجمیں راج ءَ را اے بامرد آنی سر ءَ پھر انت ۔ اے سوبمندی پاکستانی لیب کنوک آنی صلاحیت آنی مزنیں گواہی انت۔ اے مئے ورناہانی محنت، لگن، ءُ جذبہ ءَ گوں ھاسیں رنگے ءَ پیش دار ایت۔