نائب مزن وزیر ءُ دری کارانی وزیر سینیٹر محمد اسحاق ڈار ءَ کرغزستان ءِ صدر ءِ پاکستان ءِ تر ءُ تاب ءِ ھوالگ ءَ چار ءُ تپاسی دیوان ءِ سروکی

اسلام آباد۔1دسمبر  (اے پی پی): جمہوریہ کرغزستان ءِ صدر ءِ پاکستان ءِ تر ءُ تاب ءَ چہ پیسر تیاری ءِ چار ءُ تپاسی ءِ واستہ نائب مزن وزیر ءُ دری کارانی وزیر سینیٹر محمد اسحاق ڈار ءِ سروکی ءَ یک ھاسیں دیوان ءِ برجم دارگ بوت۔ دوشمبے ءِ روچ ءَ وزارت ءِ درئی کار ءِ نیمگ ءَ جاڑی بوتگیں بیان ءِ رد ءَ دیوان ءَ تر ءُ تاب ءِ ساھت ءَ تپاک کنگ بوتگیں توامیں ھاسیں ایجنڈا ءِ سر ءَ دیمروئی ءِ چار ءُ تپاسی کنگ بوتگ ءُ مزن تک ءِ گند ءُ نند آنی بندوبست آنی چار ءُ تپاسی کنگ بوتگ۔ گند ءُ نند ءَ دستخط کتگیں مفاہمت نامہ ءُ معاہدہ آنی سر ءَ سرجمیں رنگ ءَ گپ ءُ تران کنگ بوت، ایشی ءِ تہ ءَ جتا جتائیں پڑ آنی تہ ءَ دو نیمگی کمک ءَ را مھکم کنگ ءِ سر ءَ دلگوشی دیگ بوت۔ مزن وزیر ءِ ھاسیں کمکار طارق باجوہ، دری کارانی سیکرٹری آمنہ بلوچ ءُ سیادی داروکیں وزارت ءُ محکمہ آنی سینئر افسر آں گند ءُ نند ءَ بہر زرتگ ءُ وزارت آنی نیام ءَ کمک ءُ اے ھاسیں تر ءُ تاب ءَ را سوبمند ءُ بامرد جوڑ کنگ ءِ واستہ پاکستان ءِ جزم ءِ پدا زور دات۔