آرمی چیف فیلڈ مارشل سید عاصم منیر ءَ مصر ءِ عرب جمہوریہ ءِ دری کارانی وزیر ڈاکٹر بدر احمد محمد عبدالعاطی    ءَ گوں گند ءُ نند

راولپنڈی۔ یکم دسمبر (اے پی پی) چیف آف آرمی اسٹاف فیلڈ مارشل سید عاصم منیر ءَ مصر ءِ عرب جمہوریہ ءِ دری کارانی وزیر ڈاکٹر بدر احمد محمد عبدالعاطی    ءَ گوں گند ءُ نند کت۔ انٹر سروسز پبلک ریلیشنز ءِ نیمگ ءَ چہ جاڑی بوتگیں بیان ءِ رد ءَ گند ءُ نند ءِ ساھت ءَ دوئیں براتیں ملک آنی نیام ءَ دو نیمگی سیادی آنی سر ءَ چار ءُ تپاسی کنگ بوتگ ایشی ءِ تہ ءَ ھاسیں رنگ ءَ دفاعی ءُ سلامتی کمک، فوجی سیادی، تربیتی کمک ءُ دمگ ءَ امن ءُ ایمنی ءِ سر ءَ دلگوشی دیگ بوتگ۔ گپ ءُ تران ءِ ساھت ءَ دوئیں نیمگ ءَ دفاعی ءُ گیشیں اسٹریٹجک شوبگ آنی تہ ءَ ھمگرنچی ءَ را گیش مھکم کنگ ءُ دیریں سیادی ءَ را گیش گہتر کنگ ءِ واستہ وتی عزم ءِ پدر کنگ بوت۔ حضرت مہان ءَ مصر ءِ سروکی ءِ نیمگ ءَ چہ گرمیں کلوہ ھم سر کت ءُ پاکستان ءِ گوما درستیں پڑ آنی تہ ءَ کمک ءَ را گیش گیش کنگ ءِ واستہ مصر ءِ برجاھیں واھشت ءِ درشان کت۔ دوئیں نیمگاں اے گپ ءِ سر ءَ زور پر دات کہ دمگی ایمنی ءِ بدل بوھوکیں جاور ھال آنی رد ءَ پیداکیں چیلنج آناں گیواری ءِ واستہ مزن تک ءِ رابطہ آنی برجاہ دارگ المی اِنت۔