قاہرہ۔1دسمبر (اے پی پی): وفاقی وزیر تجارت جام کمال خان ءَ مصر ءِ السویدی الیکٹرک ءِ صدر ءُ سی ای او انجینئر احمد السویدی ءَ گوں گند ءُ نند کت۔ دوشمبے ءِ روچ ءَ ادا جاڑی بوتگیں پریس ریلیز ءِ رد ءَ گند ءُ نند ءَ انجینئر احمد السویدی ءَ پاکستان ءَ استیں سرمایہ کاری ءِ سر ءَ دل یکیمی ءِ درشانی کتگ۔ وزیر تجارت ءَ آئی ءَ را …
وفاقی وزیر جام کمال خان ءَ مصر ءِ السویدی الیکٹرک ءِ صدر ءُ سروک انجینئر احمد السویدی ءَ گوں گند ءُ نند
قاہرہ۔1دسمبر (اے پی پی): وفاقی وزیر تجارت جام کمال خان ءَ مصر ءِ السویدی الیکٹرک ءِ صدر ءُ سی ای او انجینئر احمد السویدی ءَ گوں گند ءُ نند کت۔ دوشمبے ءِ روچ ءَ ادا جاڑی بوتگیں پریس ریلیز ءِ رد ءَ گند ءُ نند ءَ انجینئر احمد السویدی ءَ پاکستان ءَ استیں سرمایہ کاری ءِ سر ءَ دل یکیمی ءِ درشانی کتگ۔ وزیر تجارت ءَ آئی ءَ را پاکستان ءِ معدنی شوبگ ءِ تہ ءَ مزنیں گنجائش آنی بابت ءَ سرپد کت ءُ مزنیں ملکی ءُ درملکی سرمایہ کار آنی نیمگ ءَ پاکستان ءِ کان کنی ءِ شوبگ ءَ دلگوشی ءِ درشان کت۔ وزیر تجارت ءَ مصر ءِ کمپنی آناں آئی ٹی ءُ ٹیکنالوجی ءِ ازمت آنی تہ ءَ جوانیں موہ آنی بابت ءَ سرپد کت۔ مصری کمپنی آں پاکستان ءِ گوما بیپاری ءُ صنعتی کمک ءَ را گیش کنگ ءِ واستہ سک باز واھشت ءِ درشان کتگ۔ گند ءُ نند ءَ پاکستان ءُ مصر ءِ نیام ءَ سرمایہ کاری ءُ صنعتی کمک ءَ را دیمروئی دیگ ءِ سر ءَ ھم تپاک کنگ بوت۔
