موسمیاتی بدلی پاکستان ءِ واستہ یک زوتیں ءُ سنگینیں اقتصادی حقیقت جوڑ بوتگ، وفاقی وزیر خزانہ آئی ایف اے سی ءِ صدر ژاں بوکو  ءِ سروکی ءَ ڈل ءِ گوما گپ ءُ تران

اسلام آباد۔1دسمبر  (اے پی پی): ھزانگ ءُ ریونیو ءِ وفاقی وزیر سینیٹر محمد اورنگزیب ءَ گوشت کہ موسمی مٹ ءُ بدلی پاکستان ءِ واستہ یک ترندیں ءُ سنگینیں اقتصادی حقیقت ءِ جوڑ بوتگ۔ حکومت پائیدار مالیاتی ڈھانچہ ءِ مھکم کنگ، سبز درجہ بندی (ماحول دوست سرمایہ کاری ءِ بنیاد ءَ ٹیکس ءِ نظام) ءِ موثر نفاذ ءُ موسمیاتی ءِ رد ءَ انکشاف ءِ فریم ورک (اے ادارہ کہ چاگرد ءَ گوں سیادی داروکیں معاشی خطرات ءُ موہ آنی بابت ءَ زانتکاری ءِ دات کن اَنت) ءِ دیمروئی ءِ ھاترا جزم اِنت۔ اے ھیالانی درشانی وفاقی وزیر ھزانگ ءَ دو شمبے ءَ وزارت ھزانگ ءَ آئی ایف اے سی ءِ صدر ژاں بوکو  ءِ سروکی ءَ ڈل ءَ گوں گند ءُ نند ءِ ساھت ءَ کت۔ ڈل ءِ تہ ءَ جنوبی ایشیائی فیڈریشن آف اکاؤنٹنٹس ءِ صدر اشفاق یوسف تولا ءُ پاکستان ءِ لاگت ءُ انتظامی اکاؤنٹنٹس ءِ ادارگ ءِ صدر غلام مصطفی قاضی ھم ھوار اتنت۔ گند ءُ نند ءَ پاکستان ءِ آڈیٹر جنرل مقبول احمد گونڈل، سیکیورٹیز اینڈ ایکسچینج کمیشن آف پاکستان ءِ چیئرمین اکیم سعید ءُ وزارت ءِ ھزانگ ءِ مزن مزنیں کارندہ آں ھم بھر زوری کت۔ آئی ءَ ایس ایم ایز ءِ وتی مالیاتی رپورٹنگ ءَ را رسمی کنگ ءِ ضلورت ءِ سر ءَ زور پر دات ءُ ڈیجیٹل اثاثہ ءُ نوکیں ٹیکنالوجی آنی تہ ءَ پاکستان ءِ فعال ریگولیٹری پیشرفت ءِ ذکر کت، ایشی ءِ تہ ءَ نوکیں ادارگی فریم ورک جوڑ کنگ بوھگ ءَ اِنت تانکہ شفاف، ریگولیٹڈ ءُ رھبند ءِ سر ءَ بنیات ءِ سر ءَ جدت ءَ را رسمی معیشت ءِ بھر جوڑ کنگ بہ بیت۔ وزیر خزانہ ءَ تر ءُ تاب کنوکیں ڈل ءَ را وش آتک کنگ ءِ وھد ءَ آئی ایف اے سی ءِ کرد ءَ را توسیپ کت کہ آ اکاؤنٹنگ پیشہ ءَ را جہانی تک ءَ دیمروئی بہ دنت، میاں اوستمانی معیار ءَ را مھکم بہ کنت، مالیاتی رپورٹنگ ءِ تہ ءَ شفافیت ءُ بھروسہ ءَ را گیش بہ کنت۔ آئی ءَ گوشت کہ پاکستان ءِ پائیداری ایجنڈا، موسمیاتی مالیات، ءُ سبز معیشت ءِ گامگیج ھما نکات اَنت کہ آئی ایف اے سی ءِ صدر ءَ ایشی ءِ سر ءَ تران کتگ۔ آئی ءَ اے گپ ءِ ذکر کت کہ پاکستان موسمیاتی آفت آنی سبب ءَ سک باز متاثر انت ءُ گوشت کہ گوستگیں سیلاب ءِ آفت آنی سبب ءَ کم چہ کم نیم درسد ءِ دیمروئی ءِ شرح ءَ را کم کنگ ءِ اندازگ انت۔ اے درگت ءَ آئی ءَ گرین فنانس ءِ گامگیج ، راجی گرین ٹیکسونومی ءِ سر ءَ عمل درآمد ءُ اسٹیٹ بینک ءِ وسیلگ ءَ پائیداری ءِ فریم ورک ءِ بندات کنگ ءِ سر ءَ حکومت ءِ عزم ءِ پدا زور دات۔ وزیر خزانہ ءَ گیش گوشت کہ نوکیں دستاویزات ءُ رپورٹنگ ءِ نظام ءِ زورگ ءِ واستہ ایس ایم ایز ءِ کمک المی اِنت ھاسیں رنگ ءَ صنعتی ءُ برآمداتی مرکز آنی تہ ءَ کہ اودا سرپدی ءُ تکنیکی گنجائش ءِ کمی اِنت۔ آئی ءَ گوشت کہ آوانی وشیں ٹرانزیشن ءِ واستہ ھمگرنچیں ادارگی کمک المی بیت۔ وزیر خزانہ ءَ نوکیں ٹیکنالوجی آناں ریگولیٹ کنگ ءِ تہ ءَ پاکستان ءِ پیشرفت ءِ سر ءَ ھم زور پر دات۔ آئی ءَ گوشت کہ جھان ءِ ورچوئل اثاثہ آنی مارکیٹ آنی تہ ءَ پاکستانی آنی گیش بوھوکیں بھر زوری ءِ رد ءَ حکومت ءَ پاکستان ورچوئل اثاثہ آنی ریگولیٹری اتھارٹی ءُ ’’کرپٹو کونسل‘‘ ءِ جوڑیشت ءِ سر ءَ کار کتگ، ایشی ءَ چہ لائسنسنگ، کے وائی سی ءُ انڈینٹی ءِ سر ءَ بنیات ءِ سر ءَ یک شفاف ءُ ڈھانچہ ءِ نظام ءِ وسیلگ ءَ جدت ءَ را رسمی معیشت ءِ تہ ءَ یکجا کنگ بیت۔ جین بوکو ءَ وزیر خزانہ ءَ را آئی ایف اے سی ءِ مشن ءِ بابت ءَ سرپدی دات کہ ایشی ءِ تہ ءَ 143 ملک آنی 188باسکی تنظیم آنی سر ءَ ھواریں گلوبل اکاؤنٹنگ کمیونٹی ءِ نمائندگی کنگ بیت۔ آئی ءَ پائیداری ءِ معیار، آڈٹ ءِ معیار، اخلاقیات، پیشہ ءِ سر ءَ اے آئی ءِ اثر، کسان ءُ میاں اوستمانی پریکٹیشنرز ءِ صلاحیت سازی، ءُ سرکاری شوبگ ءَ اکاؤنٹنگ ءِ اصلاحات ءِ وڑیں سرھال آنی سر ءَ آئی ایف اے سی ءِ اولویت آنی سر ءَ چمشانک دات۔ آئی ءَ غیر مالیاتی آڈٹ ءُ یقین دہانی ءِ ھاتر ءَ گیش بوھوکیں جھان ءِ لوٹ ءِ ھم ذکر کت۔ آڈیٹر جنرل مقبول احمد گونڈل ءَ پاکستان ءَ نقد ءَ چہ ”اکروئل بیسڈ آئی پی ایس اے ایس سٹینڈرڈ“ ءِ نیمگ ءَ رھادگ بوھگ ءِ عمل ءِ بابت ءَ ڈل ءَ را سرپد کت کہ ایشی ءِ مول ءُ مراد نوکیں ای آر پی سسٹم ءُ ڈیجیٹل اصلاحات ءِ رد ءَ رواں مالی سال ءَ اینڈ ٹو اینڈ الیکٹرانک ادائیگی ءُ رسید ءِ ھاترا رسگ اِنت۔ آئی ءَ گوشت کہ اے گامگیج آنی تہ ءَ پاکستان ءِ سرکاری مالیاتی شفافیت ءُ میاں اوستمانی بھروسہ ءَ را مزنیں کساسے ءَ گیش کنگ بیت۔ چیئرمین ایس ای سی پی عاقیف سعید ءَ شریکیں مردم آناں آئیوسکو، انشورنس، پنشن ءُ کیپیٹل مارکیٹ ءِ اصلاحات ءَ ھوار میاں اوستمانی ادارگ آنی گوما پاکستان ءِ ریگولیٹری سیدھ ءِ بابت ءَ سرپدی دات، آئی ایف آر ایس ءِ سرجمیں عملدرآمد، ءُ لسٹڈ ءُ غیر لسٹڈ کمپنی آنی واستہ پائیداری ءِ انکشاف ءِ مرحلہ وار عمل درآمد ءِ بابت ءَ سرپدی دات۔ آئی ءَ ای ایس جی ءُ کارپوریٹ رپورٹنگ ءَ را مھکم کنگ ءِ واستہ آئی سی اے پی ءُ آئی سی ایم اے پی ءِ گوما کمک ءَ را ساڑات۔ اشفاق یوسف تولا ءُ ہمایون کبیر ءَ دمگ ءَ صفا ءِ برجاھیں پیشہ وارانہ کمک ءِ کوشست، جیو پولیٹیکل چیلنج ءُ پاکستان ءِ نیمگ ءَ چہ وتی انوگیں صدارت ءِ وھد ءَ داتگیں کمک ءِ ذکر کت۔ آنہاں خطہ ئے تہا پیشہ وارانہ رابطہانی برجائی ئے سرا زور دات۔ آئی سی ایم اے پی ءِ صدر غلام مصطفی قاضی ءَ مالیاتی وانگ ءُ زانگ ءِ تہ ءَ تربیت، صلاحیت سازی، ءُ اے آئی ءَ ھوار نوکیں ٹیکنالوجی آنی یکجا کنگ ءِ تہ ءَ سرکاری ادارگ آناں برجاھیں کمک ءِ دل یکیمی دات۔ آئی ءَ پاکستان ءِ گہتر بوھوکیں اقتصادی جاور آنی سر ءَ ھم دل یکیمی ءِ درشان کت۔ وزیر ءِ ھزانگ ءَ ڈل ءِ منت گپت ءُ گلوبل ءُ ریجنل اکاؤنٹنگ فریم ورک آنی تہ ءَ کمک ءَ را مھکم کنگ ءِ واستہ وتی عزم ءِ سر ءَ پدا زور دات ءُ پاکستان ءَ ڈل ءِ ھوار بوھگ ءِ واستہ نیکیں واھشت آنی درشان کت۔