نیشنل لاجسٹکس کارپوریشن نا فوڈ ایگ 2025 اٹی شرکت، پاکستانی کشاری برآمد آتیکن پوسکن لاجسٹکس ایسردرستی راستی

اسلام آباد۔ 01 دسمبر (اے پی پی) نیشنل لاجسٹکس کارپوریشن (این ایل سی) فوڈ ایگ 2025 اٹی بشخ ہلک و پاکستانی کشاری برآمدآتیکن پوسکن لاجسٹکس ایسری اس درستی راستی کرفے۔ سرجم حوال آتا رداٹ فوڈ ایگ 2025 اٹی این ایل سی نا بشخ ہلنگ نا مسخت پاکستانی کشاری مصنوعات آتے جہانی منڈی تسکان وخت آ ، رکھ و گچین وڑاٹ سرکننگ ءِ۔ نمائش اٹی ساڑی پوسکن لاجسٹکس پلیٹ فارم واپاری برادری کن آسراتی تا سوب جوڑ مریک۔ داایونٹ پاکستان نا فوڈ سپلائی چین ءِ سوگو کننگ و برآمد آتیٹی ودکی نا سوب جوڑ مریک۔ این ایل سی نا پوسکن ٹرانسپورٹ و کولڈ چین سسٹم آن فوڈ پراڈکٹ جہانی آب انا رداٹ رکھ مریرہ۔ فوڈ ایگ 2025 پاکستان نازرگزرانی شونداری نا سفر اٹی اہم کڑد ادا کیک۔ این ایل سی نا فوڈ ایگ اٹی ساڑی گری کاروباری دنیا کن پت، آب و ترند رفتار خذمت آتا ضامن ءِ۔ پاکستان نا فوڈ اینڈ ایگروانڈسٹری کن این ایل سی نا بھلا گام، برآمدی وڑوڈول ءِ پین آسان جوڑ کننگ نا عزم انا درشانی ءِ۔ این ایل سی نا کنڈآن جہانی خریدار آتیکن خذمت آتیٹی رکھ فراوانی، پوسکن ٹریکنگ و جہانی آب انا آسراتی تے پک کننگ ءِ۔