قاہرہ۔ 01 دسمبر (اے پی پی) بنجائی وزیر واپار جام کمال خان دوشنبے نادے آ مصر انا السویدی الیکٹرک نا صدر و سی ای او انجینئر احمد السویدی تون اوڑدہی کرے۔ دوشنبے نادے آ داڑے جاری پریس ریلیز نا رداٹ اوڑدہی ٹی انجینئر احمد السویدی پاکستان اٹی ساڑی آ زرکاری آ است جمی نا درشانی ءِ کرے۔ وزیر واپار اودے پاکستان نا معدنیات نا بشخ اٹی گیشتر گمان تیان …
بنجائی وزیر جام کمال خان نا مصری السویدی الیکٹرک نا صدر و سی ای او انجینئر احمد السویدی تون اوڑدہی
قاہرہ۔ 01 دسمبر (اے پی پی) بنجائی وزیر واپار جام کمال خان دوشنبے نادے آ مصر انا السویدی الیکٹرک نا صدر و سی ای او انجینئر احمد السویدی تون اوڑدہی کرے۔ دوشنبے نادے آ داڑے جاری پریس ریلیز نا رداٹ اوڑدہی ٹی انجینئر احمد السویدی پاکستان اٹی ساڑی آ زرکاری آ است جمی نا درشانی ءِ کرے۔ وزیر واپار اودے پاکستان نا معدنیات نا بشخ اٹی گیشتر گمان تیان معلومدار کرے و پاکستان نا مائننگ سیکٹر اٹی بھلا ملکی و درملکی زرکارآتا ودوک آ است خواہی آ گپ وتران کرے۔ وزیرواپار آئی ٹی و ٹیکنالوجی سروسز اٹی شاندار وارخواہی تیا مصری کمپنی تے حوال تس۔ مصری کمپنیک پاکستان تون واپاری و صنعتی کمکاری ءِ ودفنگ اٹی بھاز است خواہی نا درشانیءِ کریر۔ اوڑدہی ٹی پاکستان و مصر انا نیام اٹ زرکاری و صنعتی کمکاری ءِ مون آ دننگ آ امنا ہم کننگا۔
