موسمیاتی بدلی پاکستان کن دمدستی و سنگین زرگزرانی حقیقت اس جوڑ مسنے، بنجائی وزیر خزانہ نا آئی ایف اے سی نا صدر ژاں بوکونا کماشی ٹی ڈل اتون اوڑدہی ٹی گپ وتران

اسلام آباد۔ 01 دسمبر (اے پی پی) بنجائی وزیر خزانہ ومحصولات سینیٹر محمد اورنگزیب پارینے کہ موسمیاتی بدلی پاکستان کن اسہ دمدستی و سنگین زرگزرانی حقیقت اس جوڑ مسنے۔ حکومت پائیدار مالیاتی پنجر نا سوگوی، گرین ٹیکسونومی(چاگڑد دوست زرکاری آ تالان خراج نظام) نا گچین نفاذ و climate-aligned disclosure frameworks(چاگڑدنا بابت زرگزرانی خطرہ و وارخواہی تا بارواٹی معلومداری فراان کروک آ ادارہ ) غاتا مون آ دننگ کن سنبرینگوک ءِ۔ داخیال آتا درشانی ءِ بنجائی وزیر خزانہ دوشنبے نادے آ وزارت خزانہ ٹی آئی ایف اے سی نا صدر ژاں بوکو نا کماشی ٹی بروک آ ڈل اتون اوڑدہی ٹی کرے۔ ڈل اٹی ساؤتھ ایشین فیڈریشن آف اکاؤنٹنٹس (ایس اے ایف اے) نا صدر اشفاق یوسف تولہ، و انسٹی ٹیوٹ آف کاسٹ اینڈ مینجمنٹ اکاؤنٹنٹس آف پاکستان (آئی سی ایم اے پی ) نا صدر غلام مصطفیٰ قاضی ئسک ہم اوار ئسر۔ اوڑدہی ٹی آڈیٹر جنرل آف پاکستان مقبول احمد گوندل ، چیئرمین سیکورٹیز اینڈ ایکسچینج کمیشن آف پاکستان (ایس ای سی پی) عاکف سعید، و وزارت خزانہ نا سینئر کمامدارآک ہم ساڑی ئسر۔ اوایس ایم ایز ءِ تینا مالیاتی رپورٹنگ ءِ رسمی دروشم اس تننگ نا گرج آ زور شاغا و ڈیجیٹل میرات و مون آ بروک ٹیکنالوجی تا بابت پاکستان نا فعال ریگولیٹری پیش رفت نا ذکر ءِ کرے، ہراڑے شفاف، منظم و کانود نا رداٹ جدت ءِ باضابطہ زرگزران نا بشخ جوڑ کننگ کن پوسکن آ ادارہ جاتی فریم ورک اس جوڑ کننگ انگءِ۔ وزیرخزانہ مہمان ڈل ءِ بخیرکرسا جہانی کہول آ اکاؤنٹنگ پیشہ نا مون آ دننگ، جہانی آب آتا سوگوی و مالیاتی رپورٹنگ اٹی شفافیت و پت ءِ ودفنگ اٹی آئی ایف اے سی نا کڑد انا ستاءِ کرے۔ اوپارے کہ پاکستا ن نا پائیداری نا ایجنڈا، موسمیاتی مالی اعانت و گرین اکانومی نا گام گیج ہموٹک آک ءُ ہرافتیا آئی ایف اے سی صدر گپ وتران کرے۔