سینیٹ ءِ چیئرمین یوسف گیلانی ءَ اطالوی کورین ءِ ہفتگ ءِ گالا ڈنر ءَ بہر زرتگ، پاک اٹلی ءِ نیام ءَ مھکمیں سیادی ءِ سر ءَ چمشانک داتگ

اسلام آباد۔ 30 نومبر (اے پی پی): سینیٹ ءِ چیئرمین سید یوسف رضا گیلانی ءَ اسلام آباد ءَ اطالوی سفیر مارلینا آرملین ءُ ڈومینیکو پیلونی ءِ نیمگ ءَ برجم داشتگیں اطالوی کھان ءِ ہفتگ ءِ گالا ڈنر ءَ بہر زرتگ۔ اے مراگش ءَ سفارتی حلقہ ءُ میاں اوستمانی براتی ءِ نمائندگاں بہر زرتگ ات کہ ایشی ءِ مول ءُُ مراد اٹلی ءِ کھان ءِ آرٹ ءُُ دود ءُُ ربیدگی ورثہ ءَ را پدر کنگ ات۔ سینیٹ سیکرٹریٹ ءِ رد ءَ وتی گشتانک ءِ تہ ءَ چیئرمین سینیٹ ءَ اطالوی سفیر ءُُ پیلونی ءِ مہمانداری ءُُ شانداریں مراگش ءِ برجم دارگ ءِ ھاتر ءَ دل ءِ جہلانکی ءَ منت گپتگ۔ آئی ءَ گوشت کہ اے مراگش ایوک ءَ تام ءُ وراک آنی جشن نہ اِنت بلکیں پاک اٹلی دوستی، دود ءُُ ربیدگ ءِ سیادی ءُُ دیریں وت مہ وتی سیادی آنی احترام ءِ عکس اِنت۔ آئی ءَ پاکستان ءُ اٹلی ئِ نیام ئَ گرم ءُ جوڑیشت ئِ سیادی ئِ سر ئَ زور پر دات ءُ گوشت کہ اٹلی یورپ ئِ تہ ئَ پاکستان ئِ یک ھاسیں اقتصادی شریک اِنت۔ آئی ءَ تجارت، سرمایہ کاری، وانگ ءُُ زانگ، دود ءُُ ربیدگ ءُُ پارلیمانی سفارتکاری ءَ ھوار جتا جتائیں شوبگ آنی تہ ءَ کمک ءِ برجاھیں تہ ءَ گیشی ءِ سر ءَ وش اتک کت۔ آئی ئَ اٹلی ئَ نندوکیں پاکستانی کمیونٹی ئِ ازمت آناں ساڑات ءُ گوشت کہ پاکستانی ڈائسپورا دوئیں ملک آنی نیام ئَ مردم ئِ نیام ءَ مہلوک ءِ سیادی ئَ را گیش مھکم کنگ ءِ تہ ءَ ھاسیں کرد پیلو کنگ ئَ انت۔ چیئرمین سینیٹ ءَ اے موہ ءِ سر ءَ ثقافتی سفارتکاری ءِ ارزشت ءِ سر ءَ ھم زور پر دات۔ آئی ءَ گوشت کہ راج وردن ءُُ وراک، ازم، موسیقی ءُُ دود ءُُ ربیدگ ءِ تبادلہ ءِ وسیلگ ءَ یک دومی ءِ گوما نزیک بنت، ایشی ءَ چہ دل آناں یکجا کنت ءُُ وت مہ وتی مھکمیں رنگ ءَ مھکم بیت۔ آئی ءَ دل یکیمی دات کہ پاکستان پارلیمانی ءُ ادارگی کمک ءَ را گیش مھکم کنگ ءِ واھشت مند اِنت۔ پاکستان ءِ سینیٹ اطالوی سینیٹ ءُُ ایندگر ریاستی ادارگ آنی گوما پارلیمانی سیادی ءَ را گیش مھکم کنگ ءِ واستہ سرجمی ءَ جزم انت۔ گڈسرا چیئرمین سینیٹ ءَ یک رندے پدا میزبان آنی منت گپت ءُُ اطالوی سفارت خانہ ءَ را اے جوانیں مراگش ءِ سوبمندیں برجم دارگ ءِ سرا مبارکی دات کہ ایشی ءَ چہ اطالوی دود ءُُ ربیدگ ءِ منگ ءَ دوئیں ملک آنی نیام ءَ دوستی ءِ جذبہ ءَ را گیش دیمروئی دات۔