درئی کارانی وزیر اسحاق ڈار ءَ چین ءِ سفیر جیانگ زائیڈونگ ءَ گوں گند ءُ نند کتگ ، سئے چینی شہری ءِ غمناکیں کوش ءِ سر ءَ دلپدردی ءِ درشانی کتگ

اسلام آباد ۔30 نومبر (اے پی پی): نائب مزن وزیر ءُ درئی کارانی وزیر سینیٹر اسحاق دار ءَ چین ءِ سفیر جیانگ زائیڈونگ ءَ گوں گند ءُ نند ءِ ساھت ءَ تاجکستان ءَ اوگانستان ءِ سیمسر ءِ نزیک ءَ سئے چینی شہری آنی غمناکیں کوش ءِ سر ءَ دلپدردی ءِ درشانی کت۔ یک شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ نائب مزن وزیر اسحاق ڈار ءَ ھم ھانگ کانگ ءِ وانگ فوک کورٹ ءِ رہائشی کمپلیکس ءَ گوستگیں وھد ءَ بوتگیں آتشزدگی ءِ تہ ءَ جانی تاوان ءِ سر ءَ دلپدردی درشان کتگ۔ آئی ءَ گوشت کہ اے گرانیں وھد ءَ پاکستان چین ءِ گوما اوشتاتگ۔ اے موہ ءِ سر ءَ پاکستان ءُ چین ءِ نیام ءَ دو نیمگی کمک ءِ جتا جتائیں شوبگ آنی تہ ءَ پیشرفت ءِ ھوار دمگی ءُ جھان ءِ جیڈھ آنی سر ءَ ھم گپ ءُ تران کنگ بوت۔