وفاقی وزیر اھوالکاری ءُ شنگ کاری عطا اللہ تراڑ ءَ بیکن ہاؤس اولڈ اسٹوڈنٹس سوسائٹی ءِ نیمگ ءَ برجم داشتگیں ایلومنی ایوارڈز ءِ مراگش ءَ بہر زرتگ، وانگ ءُ زانگ ءِ شوبگ ءَ نجی شعبہ ءِ ھاسیں کرد ءِ توسیپ کتگ

لاہور۔ 30 نومبر (اے پی پی): لاہور ءَ بیکن ہاؤس اولڈ اسٹوڈنٹس سوسائٹی ءِ نیمگ ءَ برجم داشتگیں ایلومنی ایوارڈز ءِ مراگش ءَ وفاقی وزیر ءِ اھوالکاری ءُ نشریات عطا اللہ تراڑ ءَ وانگ ءُ زانگ ءِ شوبگ ءَ نجی شعبہ ءِ ھاسیں کرد ءَ را ساڑات۔ آئی ءَ ھواریں مردمانی نیام ءَ داد ھم بھر ءُ بانگ کتگ۔ مراگش ءَ صوبائی وزیر خزانہ مجتبی شجاع الرحمان، زند ءِ جتا جتائیں تک ءُ پھنات ءِ مردم، استاد ءُ نودربر کہ ادارگ ءَ چہ گریجویشن کتگ ات، مراگش ءَ بہر زرتگ ات۔ شریکیں مردماں وانگ ءُ زانگ ءِ آیوکیں وھد ءُ شریکداری ءِ سرھال ءِ سر ءَ گپ ءُ تران کت۔ وزیر ءِ اھوالکاری عطا اللہ ترار ءَ وانگ ءُ زانگ ءِ شوبگ ءَ پرائیویٹ سیکٹر ءِ ھاسیں کرد ساڑاتگ ءُ گوشت کہ ورنا آنی صلاحیت ءِ تہ ءَ گیشی ءُ اے شوبگ ءَ سرمایہ کاری کنگ سک باز ارزشتی اِنت۔ آئی ءَ ماسکو ءَ برجم داشتگیں یوریشین فلم اکیڈمی ایوارڈز، ڈائمنڈ بٹر فلائی ءِ تہ ءَ پاکستانی فلم ڈیمک ءِ سوبمندی ءِ سر ءَ سرجمیں ٹیم ءَ را مبارک بات دات ءُُ ایوارڈ زُرتگیں اداکار آناں وش اتک کت۔ زندگی ءِ جتا جتائیں پڑاں جوانیں ھزمت کتگ آھاں ایلومنی ایوارڈز ءِ تہ ءَ ستا دیگ بوتگ۔ وزیر ءِ اھوالکاری عطا اللہ تراڑ ءَ بھر زوروک آنی نیام ءَ ایوارڈ بھر ءُ بانگ کت۔ آئی ءَ داد دیوکیں مردم آناں مبارکی دات ءُ آوانی ازمت آناں ساڑات۔