مزن وزیر ورنا اسپورٹس ہنٹ پروگرام، 4دسمبر ءَ چہ اسلام آباد ءَ کرکٹ ءِ مقابلہ بندات بنت، رانا مشہود احمد

لاہور۔30نومبر  (اے پی پی):چیئرمین مزن وزیر ورنا پروگرام رانا مشہود احمد خان ءَ گوشت کہ مزن وزیر ورنا پروگرام ءِ چیر دستی ءَ اسلام آباد ءَ 4دسمبر ءَ چہ سرجمیں پاکستان ءَ اسپورٹس ہنٹ پروگرام ءِ چیر دستی ءَ برجم داشتگیں ٹرائل آنی تہ ءَ چہ گچین بوتگیں جوانیں ٹیم آنی نیام ءَ مقابلہ بندات بنت ایشی ءَ چہ پاکستان کرکٹ ءِ آیوکیں باندات پدر بیت۔ اے ھیالانی درشانی آئی ءَ یک شمبے ءِ روچ ءَ پریس کانفرنس ءَ گوں تران کنان ءَ کت۔ اے موہ ءِ سر ءَ لاہور قلندرز ءِ واجہ ءُ سی ای او عاطف نعیم رانا ھم آئی ءِ ھمراہ ات۔ چیئرمین مزن وزیر ورنا پروگرام رانا مشہود احمد خان ءَ گشتگ کہ مرچی راجدپتری روچ انت۔ مزن وزیر ورنا پروگرام ءَ لاہور قلندرز ءَ گوں بندات کتگیں سفر ءِ آسر ءَ پاکستان ءِ 25 شہر آنی تہ ءَ کرکٹ ءِ میدان آراستہ کنگ بوتگ انت ءُ اے آزمائش آنی تہ ءَ جنک ءُ بچک آنی تہ ءَ سئے لکھ ءَ چہ گیش کرکٹرز ءَ بھر زرتگ۔ آئی ءَ گوشت کہ مزن وزیر شہباز شریف مدام گوش ایت میرٹ ءُ ایوک ءَ میرٹ، ھمے ھاتر ءَ اے آمیدگس آنی تہ ءَ ھمے اصول ھیال ءَ دارگ بوتگ ءُ آمید گس آنی تہ ءَ ھچ وزیر یا ایم این اے یا ایم پی اے ءَ ھچ وڑیں سفارش نہ کتگ۔ آئی ءَ گوشت کہ اے آزمائش آنی تہ ءَ یک سد ءُ ھپتاد ءُ پنچ ھزار بلے باز ءُ یک ءُ نیم ملین باؤلرز ءَ بھر زرتگ۔ آئی ءَ گوشت کہ من ءَ اے گپ ءِ زانگ ءَ سک باز وشی بوتگ کہ اے ٹرائل آنی تہ ءَ یک سد باؤلر ھم دیم ءَ اتکگ اَنت کہ آیانی سپیڈ 140 ءَ چہ گیش اِنت۔آئی ءَ گوشت کہ مستونگ ءَ چہ یک مزنیں اسپنر باؤلر جنک ھم دیم ءَ اتکگ کہ آ نہ ایوک ءَ پاکستان ءَ بلکیں سرجمیں دگنیا ءَ وتی جاگہ ​​ءَ جوڑ کنت۔ آئی ءَ گوشت کہ اے آزمائش آنی آسر ءَ 4دسمبر ءَ چہ گچین کنگ بوتگیں دہ جنک ءُ ھشت جنک آنی ٹیم آنی نیام ءَ مقابلہ بیت کہ ایشانی تہ ءَ چہ ہیرو سدک بنت ءُ ایشی ءَ چہ پاکستان کرکٹ ءِ آیوکیں باندات گیش ءُ گیوار بیت۔ ما اے ٹیلنٹ ءَ را گیش دیم ءَ براں تانکہ پاکستان ءَ جوانیں کھڈکار رس ایت ءُ پاکستان ءِ بیرک کھیل ءِ میدان ءَ ھم چست کنگ بہ بیت۔ چیئرمین مزن وزیر ءِ ورنا پروگرام رانا مشہود احمد خان ءَ گیش گوشت کہ مزن وزیر شہباز شریف ءِ گشگ انت کہ من کجام ھم پڑ ءَ ورنا آناں وسیلگ ءِ کمی ءَ نہ دیاں، آ وانگ ءُ زانگ، معیشت، ٹیکنالوجی ءِ پڑ ءَ بہ بیت یا اسپورٹس ءِ پڑ ءَ بہ بیت۔ آئی ءَ گوشت کہ من اے آزمائش آنی واستہ لاہور قلندر ءِ شگر ءُ منت ءَ گِراں۔ آئی ءَ گوشت کہ دیم ءَ اتکگیں زھگ سرجم ءَ ٹیلنٹ ءُ میرٹ ءِ بنیاد ءَ گچین کنگ بوتگ اَنت ءُ اے پاکستان ءِ آیوکیں باندات اِنت۔ آئی ءَ گوشت کہ ایشی ءِ تہ ءَ ایچ ای سی ءِ ھم ھاسیں کرد اِنت، ایشی ءِ واستہ ما آوانی ھم منت وار ایں ۔ اے موہ ءِ سر ءَ تران کنان ءَ لاہور قلندرز ءِ مالک ءُ سی ای او عاطف نعیم رانا ءَ من اِت کہ آزمائش آنی تہ ءَ سرجمیں شفافیت ءِ ھیالداری کنگ بوتگ ءُ ٹیلنٹ ءِ بنیاد ءَ زھگ آنی گچین کنگ بوتگ۔ آئی ءَ گوشت کہ اے آزمائش آنی تہ ءَ شفافیت ءَ را دل یکیمی کنگ ءِ واستہ مزن وزیر ءُ وفاقی حکومت ءِ شگر ءُ منت وار آں۔ آئی ءَ گوشت کہ اے پروگرام ءِ چیر دستی ءَ ما بلوچستان ءَ ھوار سرجمیں پاکستان ءَ شت ایں، ایشی ءِ تہ ءَ لاکھوں زھگاں بھر زرت۔ آئی ءَ گوشت کہ پاکستان ءَ ٹیلنٹ سک باز انت ایشی ءِ ٹیلنٹ ءَ را دیم ءَ آرگ ءِ واستہ گیشاں چہ گیش کار کناں۔