توانائی ءِ وفاقی وزیر سردار اویس احمد خان لغاری ءَ ہیلپ لائن 118 ءِ بنگیج

لاہور۔30نومبر  (اے پی پی):توانائی ءِ وفاقی وزیر سردار اویس احمد خان لغاری ءَ ہیلپ لائن 118 ءِ بنگیج کت۔چیئرمین بورڈ آف ڈائریکٹرز عامر  ضیاء ءُ چیف ایگزیکٹو لیسکو محمد رمضان بٹ ءَ ہیلپ لائن 118 ءِ ڈائریکٹرز ءِ بنگیج ءِ مراگش ءَ بہر زرتگ۔ مزن وزیر محمد شہباز شریف ءِ وژن ءُ توانائی ءِ وزیر سردار اویس احمد خان لغاری ءِ سروکی ءَ پاور ڈویژن صارفین ءَ را آسراتی پجارینگ ءِ ھاترا کوشست کنگ ءَ انت۔ ہیلپ لائن ءِ بندات اے زنجیر ءِ تہا یک لنک یے۔ لیسکو ءِ چیف ایگزیکٹو انجینئر محمد رمضان بٹ ءَ گوشت کہ ہیلپ لائن 118 حکومتی پالیشی ءِ رد ءَ شفافیت ءُ الس ءِ بھروسہ ءِ بحالی ءِ واستہ سک باز ھاسیں گامگیج اِنت۔ آئی ءَ گیش گوشت کہ ھیلپ لائن 118 ءِ وسیلگ ءَ بجلی ءِ ھوالگ ءَ رھشونی ءُ شکایت آنی رجسٹریشن ءِ واستہ ایوک ءَ یک کال ءِ ضلورت بیت ءُ صارف آناں وتی شکایت آناں لوگ ءَ نشتگ ءُ بے ھچ وڑیں بے وسی ءِ ودار ءَ گیش ءُ گیوار کنگ ممکن بیت۔ صارفین ءَ چہ دزبندی انت کہ بجلی ءِ دزی یا بجلی ءِ ھوالگ ءَ شکایت ءِ ھال دیگ ءِ ھاتر ءَ ھیلپ لائن 118 ءَ گوں رابطہ بہ کن انت۔