راج ءِ نمائندگ ءُ سروک  گوں پارلیمانی سیکرٹری بیرسٹر دانیال چوہدری ءَ گند ءُ نند

راولپنڈی۔30نومبر  (اے پی پی): وفاقی پارلیمانی سیکرٹری برائے اھوالکاری ءُ شنگ کاری ءِ بیرسٹر دانیال چوہدری ءَ گوں چکلالا اسکیم تھری ءُ ولایت خان کالونی ءِ السی نمائندگ ءُ بزگ آنی گوما گند ءُ نند کت ءُ دمگ ءَ دیمروئی کار آنی سرجمی ءِ سر ءَ آئی ءِ منت گپت۔ پارلیمانی سیکرٹری ءَ ڈل ءَ گوں گند ءُ نند ءَ گوشت کہ السی وشھالی ءُ آسراتی آنی پجارینگ مئے اولی ترجی اِنت ءُ ولایت خان کالونی ءَ گیس ءِ پائپ لائن ءِ ایر کنگ ءُ چکلالا اسکیم سوم ءَ ھوار دگہ دیمروئی منصوبگ اے عزم ءِ عملی ثبوت اَنت۔ ما دمگ ءِ الس ءَ را دیریں جیڈھ آں چہ آجو کنگ ءُ بنیاتی آسراتی آنی پھجاری ءَ را دل یکیمی کنگ ءِ واستہ ھمک رنگ ءِ کوشست کن ایں ۔ اے ڈل ءِ تہ ءَ سردار ارشد محمود، راجہ ندیم اقبال، سید طاہر حسین شاہ، مشتاق بیگ، چوہدری جبار، امین گل، محمد بلال، محمد عمر، راجہ احمد ندیم، احسن شاہ، ریات علی، سعد امین ءُ محمد ھوار اتنت۔ ڈل ءَ را بیرسٹر دانیال چوہدری ءِ نیمگ ءَ چہ ھاسیں دلگوشی دیگ بوتگ۔ آئی ءَ حکومت ءِ دلچسپی ءُ عزم ءَ را ساڑات ءُ امیت سہرا کت کہ آ دمگ ءِ جیڈھ آنی گیواری ءُ گیش دیمروئی منصوبگ آنی تہ ءَ سرجمیں کرد ءَ پیلو کن اَنت۔