پاکستان ءَ اقوام متحدہ ءِ انسانی حقانی ہائی کمشنر ءِ پارلیمنٹ ءِ دو تہائی اکثریت ءَ چہ منظور بوتگیں 27می آئینی ترمیم ءِ بابت ءَ بے بنیں جیڑہانی سرا دلپدردی ءِ درشانی کتگ

اسلام آباد۔30نومبر  (اے پی پی):پاکستان ءَ اقوام متحدہ ءِ انسانی حقانی ہائی کمشنر ءِ کارگس ءِ بے بنیں بیان رد کتگ ءُ گشتگ کہ پارلیمنٹ ءِ دو تہائی اکثریت ءَ چہ منظور بوتگیں 27می آئین ترمیم ءِ ھوالگ ءَ اقوام متحدہ ءِ انسانی حقانی ہائی کمشنر ءِ بے بنیں جیڈھ آنی سر ءَ سک باز جیڈھ ءِ درشانی کنگ ءَ انت۔ یک شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءَ گوشت کہ دگنیا ءِ درستیں پارلیمانی جمہوریت آنی وڑ ءَ کانود جوڑ کنگ ءُ آئین ءِ تہ ءَ ھرچ وڑیں ترمیم کنگ ءِ اختیار ایوک ءَ پاکستان ءِ الس ءِ گچین بوتگیں نمائندگ آنی دائرہ کار ءِ تہ ءَ کیت۔ جمہوریت ءُ جمہوری عمل مدنی ءُ سیاسی حقانی بُن ھشت انت کہ آھانی احترام کنگ المی انت۔ پاکستان ءِ پارلیمنٹ ءِ نیمگ ءَ منظور بوتگیں آئین ءِ ترمیم پاکستان ءِ آئین ءِ تہ ءَ ھواریں کارروائی آنی رد ءَ سرجمیں رنگ ءَ کنگ بوتگ۔ پاکستان انسانی حق، انسانی شرپ، بنیاتی آجوئی ءُ قانون ءِ حاکمیت ءِ رکھینگ، دیمروئی ءُ پابندی ءِ سرا جزم انت، چوشکہ اسلامی جمہوریہ پاکستان ءِ آئین ءِ تہا ھوار انت۔ بیان ءِ تہ ءَ گْوشگ بیتگ کہ پاکستان انسانی ھک آنی ھک ءِ ھائی کمشنر ءِ کار ءَ را ارزشت دنت، بلے اے گپ ءِ سر ءَ اپسوز اِنت کہ جاڑی بوتگیں بیان ءَ پاکستان ءِ موقف ءُ زمینی راستی آنی درشان کنگ نہ بوتگ۔ بیان ءِ تہ ءَ ہائی کمشنر ءَ را لوٹ کنگ بوتگ کہ آ پاکستان ءِ پارلیمنٹ ءِ وت واجہیں پیسلہ آنی احترام ءَ بہ کنت ءُ ھما بیان آناں چہ بہ پھریز ایت کہ ایشی ءِ تہ ءَ سیاسی تعصب ءُ ردیں ھال آنی درشان کنگ بہ بیت۔