انگلش پریمیئر لیگ، منچسٹر سیٹی ءُ برنٹ فورڈ ءَ وتی میچ جتگ انت

لندن۔30نومبر  (اے پی پی):منچسٹر سٹی ءَ انگلش پریمیئر لیگ ءِ یک میچے ءَ لیڈز یونائیٹڈ ءَ را ہار داتگ ءُ برنٹ فورڈ ءِ ٹیم ءَ برنلی ءَ را یک ءُ سئے ءَ ہلاس کتگ ءُ لیگ ءِ ششمی سوبمندی سرجم کتگ۔ امریکی ویب سائٹ ESPN ءِ رد ءَ انگلینڈ ءَ انگلش پریمیئر لیگ ءِ 34می سیزن برجاہ اِنت کہ ایشی ءِ تہ ءَ فٹبال ءِ شائقین سک باز دلچسپ ءُ کنڈیں میچاں گندگ ءَ اَنت۔ لیگ ءِ ھاسیں میچ ءَ کہ اتحاد اسٹیڈیم ، مانچسٹر ءَ بوتگ ات ، میزبان مانچسٹر سٹی ءُ لیڈز یونائیٹڈ ءِ ٹیم یکے دومی ءِ دیم ءَ کپتگ اتنت کہ ایشی ءِ تہا مانچسٹر سٹی ءِ ٹیم ءَ سکیں گرانیں میچے ءَ پد لیڈز یونائیٹڈ ءَ را 3 گول ءَ چہ 2 گول ءَ ہلاس کتگ ات ۔ فل فوڈن ءَ دو گول ءُ جوزپ گوارڈیولا ءَ یک گولے جتگ ءُ منچسٹر سٹی ءَ وتی ٹیم ءَ را سوبمندی داتگ۔ اے منچسٹر سیٹی ءِ لیگ ءِ ہشتمی سوبمندی اِنت ءُ آ لیڈز یونائیٹڈ 25 پوائنٹ ءِ گوں ٹیبل ءِ دومی نمبر ءَ سر بوتگ اَنت۔ منٹ ءَ ڈومینک کالورٹ لیون ءَ گول کت ءُ 68 منٹ ءَ لوکاس نمیچا ءَ گول کت بلے آ وتی ٹیم ءَ سوبمندی دات نہ کت۔ لندن ءِ برینٹ فورڈ کمیونٹی اسٹیڈیم ءَ بوتگیں دگہ میچے ءَ میزبان برینٹ فورڈ ءُ برنلی ٹیم ءِ جہد ءُ کوشست بوتگ ات کہ ایشی ءِ تہا برنٹ فورڈ ٹیم ءَ جوانیں کارکردگی پیش داشتگ ات ءُ حریف برنلی ٹیم ءَ را 3 گول ءَ چہ 1 ءَ ہلاس کتگ ات۔اے سوبمندی ءَ گوں برنٹ فورڈ ٹیم ءَ لیگا ءِ ششمی سوبمندی ہم زرتگ ات۔ اگور تیاگو ءَ دو گول کتگ ءُ ڈانگو واٹارا ءَ یک گول کتگ ءُ وتی ٹیم برینٹ فورڈ ءِ سوبمندی ءَ مزنیں کردے پیلو کتگ۔ برنلی ءِ واستہ یکیں گول ژیان فلیمنگ ءَ پنالٹی ءِ سر ءَ جتگ۔ برینٹ فورڈ ٹیم 19 پوائنٹ ءِ گوں ٹیبل ءِ ہشتمی نمبر ءَ انت ءُ آرسنل ٹیم 29 پوائنٹ ءِ گوں گیشتریں نمبر ءَ انت۔