صدر آصف علی زرداری ءَ جنوب مشرقی ایشیا ءَ ٹوھیں  سیلاپ ءِ سبب ءَ لکاں مردمانی جانی تاوان ءُ آوار جنگ ءِ سرا غم ءِ درشانی

اسلام آباد۔30نومبر  (اے پی پی): صدر ءِ مملکت آصف علی زرداری ءَ جنوب مشرقی ایشیا ءَ مزنیں سیلاپ ءِ سبب ءَ لکاں مردمانی مزنیں کساس ءَ جانی تاوان ءُ آوار جنگ ءِ سر ءَ دلپدردی ءُ رنج ءُ گم ءِ درشانی کتگ۔ یک شمبے ءِ روچ ءَ گس ءِ صدر ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ گوشت کہ اے وئیل ءِ تہ ءَ سداں گران بہائیں جانی تاوان ءُ بازیں مردم آنی بیگواہ بوھگ ءِ ھال پاکستان ءِ اُلس ءِ واستہ سک باز رنج ءُ گم ءِ سوب انت۔ آئی ءَ انڈونیشیا، ملائیشیا ءُ تھائی لینڈ ءِ حکومت ءُ الس ءَ گوں یکوئی ءِ درشان کت ءُ بیران بوتگیں مردمانی کھول ءِ گوما دلپدردی ءِ درشان کت۔ صدر آصف علی زرداری ءَ گوشت کہ پاکستان ءِ جند ھم موسمی مٹ ءُ بدل ءِ سبب ءَ آیوکیں آفت آنی دیم ءَ انت، پمیشکا آ اے وڑیں وئیل آنی درد ءُ بے وسی ءَ را جوانیں رنگ ءَ سرپد بیت۔ آئی ءَ گوشت کہ سیلاپ ءِ آماچیں آبادی ءُ ھاندان آنی وتی لوگ آنی گار بوھگ ءِ ندارگ یک یات ءِ انت کہ ما درستیں انسان اجتماعی رنگ ءَ چاگردی آفت آنی گیش بوھوکیں ھترہ آنی دیم ءَ نزور ایں ۔ آئی ءَ گوشت کہ پاکستان دمگی شریک ءُ میاں اوستمانی گل آنی گوما نزیکی ءَ برجاہ مان ایت تانکہ آماچیں ملک آناں وتی توانائی ءِ رد ءَ کمک ءِ عملی راہ آنی سر ءَ ھیال ءُ لیکہ بہ کنت۔ صدر ءِ مملکت ءَ گوشت کہ پاکستان اے گرانیں وھد ءَ آماچیں ملک آنی گوما ھمگام ءَ اوشتاتگ۔