بھٹو ءُ بے نظیر ءِ وژن، دلیری ءُ قربانی ءَ پاکستان ءِ جمہوری بُن ھشت مھکم کت، پاکستان پیپلز پارٹی ءِ بُن ھشت ءِ روچ ءِ درگت ءَ صدر آصف علی زرداری ءِ کلوہ

اسلام آباد۔29نومبر  (اے پی پی):صدر آصف علی زرداری ءَ پاکستان پیپلز پارٹی ءِ 58می بُن ھشت ءِ روچ ءِ موہ ءَ پارٹی ءِ بانی چیئرمین شہید ذوالفقار علی بھٹو ءُ شہید محترمہ بے نظیر بھٹو ءَ را شگر ءُ منت درشان کنان ءَ گوشت کہ آھانی وژن، جرات ءُ قربانی ءَ پاکستان ءَ را بازیں جمہوری ءِ سرا اثر مند کتگ۔ شمبے ءِ روچ ءَ صدر ءِ کارگس ءِ پریس ونگ ءِ رد ءَ صدر ءِ مملکت ءَ پاکستان پیپلز پارٹی ءِ 58می بُن ھشت ءِ روچ ءِ درگت ءَ وتی کلوہ ءِ تہ ءَ گوشت کہ پاکستان پیپلز پارٹی ءَ وتی سرجمیں راجدپتر ءِ تہ ءَ دور ءِ مرکزی چیلنج آنی دیم ءَ دارگ ءِ واستہ مدام کوشست کتگ۔ آئی ءَ گوشت کہ وھدے پاکستان آمریت ءِ ساھگ ءَ بوتگ گڈا پیپلز پارٹی ءَ جمہوریت ءِ ھلاپ ءَ مزاھمت کنوکیں گل ءِ بستار ءَ مھکمیں رنگ ءَ جنگ کتگ ءُ الس ءِ ھک آنی بحالی ءِ جھد ءِ سروکی کتگ۔ صدر ءِ مملکت ءَ گوشت کہ پارٹی ءَ مدام جمہوری نظام ءَ را مھکم کنگ، یکوئی ءَ را دیم ءَ برگ ءُ سیاسی عمل ءَ را راستیں کشک ءَ دارگ ءِ واستہ کار کتگ۔ آئی ءَ گوشت کہ شھید ذوالفقار علی بھٹو ءِ سروکی ءَ پاکستان ءَ 1973 ءَ یک تپاکی ءِ آئین حاصل کت، یک راجی منشور ءِ، مرچی ھم مئے جمہوریت ءِ رھشونی کنگ ءَ انت۔ صدر آصف علی زرداری ءَ گوشت کہ پیپلز پارٹی ءَ را فیڈریشن ءِ یکجا کنگ، گلگت بلتستان ءُ آزاد جموں کشمیر ءَ اصلاحات ءِ بندات کنگ، ملک ءِ ایٹمی پروگرام ءِ بُن ھشت ایر کنگ ءُ زمین، محنت، وانگ ءُ زانگ ءُ چاگردی انصاف ءِ ھوالگ ءَ راجدپتری اصلاحات آنی سر ءَ فخر اِنت۔ آئی ءَ گوشت کہ جمہوریت ءِ بحالی ءِ تحریکءُ جمہوریت ءِ بحالی ءِ اتحاد ءَ چہ بگر داں جمہوریت ءِ منشور، ھژدہمی ترمیمءُ راجی ایکشن پلان ءَ پاکستان ءِ جمہوری ردوم ءِ تہ ءَ پیپلز پارٹی ءَ مرکزی کرد پیلو کتگ۔ صدر ءِ مملکت ءَ گوشت کہ پاکستان پیپلز پارٹی وتی بنگیج ءَ چہ کارکن، کشاردار، زالبول، اقلیتءُ توامیں مظلوم تبک آنی توار بوتگ، آوانی ھوار کنگ ءُ بااختیار کنگ مئے سیاسی رھبند ءِ ٹھینگ ءَ بوتگ ءُ مرچی ھم مئے مشن ءِ مرکز اِنت۔ آئی ءَ گوشت کہ بیا اِت اے روچ ءَ ما جمہوریت، چاگردی انصاف، برابریءُ درستیں شہری ھاسیں رنگ ءَ زالبول ءُ اقلیت آناں بااختیار جوڑ کنگ ءِ واستہ وتی جزم ءَ را نوک بہ کن ایں، پرچا کہ پاکستان ءِ امن ءُ کثرت پسندی ءِ آیوکیں وھد ءِ واستہ آھانی سرگرمیں بھر زوری المی اِنت۔ صدر آصف علی زرداری ءَ گشتگ کہ پارٹی ءِ توامیں کارکن ءُ کمک کنوکاں چہ لوٹ کناں کہ آ جمہورییکوئی ءَ برجم بہ دار انت، فیڈریشن ءِ رکھینگ ءُ برداشت کنوکیں ءُ دیمروئی پسندیں پاکستان ءِ واستہ کار بہ کن انت۔