بنجاھی  وزیر اھوالکاری عطا اللہ تارڑ ڈی ایٹ  میڈیا فورم ءِ تہا بہر زورگ ءِ ھاتر ءَ باکو ءَ سر بوتگ

باکو۔21نومبر  (اے پی پی): آذربائیجان حکومت ءِ دعوت ءِ رد ءَ وفاقی وزیر اھوالکاری ءُ شنگکاری عطا اللہ تارڑ پنچ شمبے ءِ روچ ءَ باکو ءَ سر بوتگ ءُ آذربائیجان حکومت ءِ دعوت ءِ سر ءَ ڈی ایٹ  میڈیا فورم ءَ بھر زوری کتگ۔ بنجاھی  وزیر ءِ اھوالکاری ءَ را آذربائیجان ءِ میڈیا ڈویلپمنٹ ایجنسی  ءِ ایگزیکٹو ڈائریکٹر احمد اسماعیلوف  ءَ باکو ءِ حیدر علیوف انٹرنیشنل ایئر پورٹ  ءَ وش آتک کتگ۔ آذربائیجان ءَ برجم دارگ بوھوکیں ڈی ایٹ  فورم ءِ بنگپ "گپ ءُ تران، کمک ءُ دمگی ھمگرنچی ءِ دیمروئی”  اِنت۔ ڈی ایٹ  میڈیا فورم ءِ تہ ءَ پاکستان، آذربائیجان، بنگلہ دیش، مصر، انڈونیشیا، ایران، ملائیشیا، نائیجیریا ءُ ترکی ءِ میڈیا ءِ کارندہ ءُ پالیسی ساز بھر زوری کنگ ءَ اَنت۔ فورم ءَ چہ ڈی  ایٹ  ملک آنی نیام ءَ سیادی ءَ را گیش مھکم کنگ، تجروبت آنی مٹ ءُ بدلی ءُ وت مہ وتی کمک ءِ واستہ نوکیں موہ رس ایت۔ وفاقی وزیر اھوالکاری فورم ءِ تہا پاکستان ءِ نمائندگی کنگ ءَ انت ءُ میڈیا کمک، حقیقت ءِ سرا   رپورٹنگ، ڈیٹا، ءُ میڈیا کمک ءِ ھاتر ءَ یکجائی حکمت عملی ءِ بابت ءَ پاکستان ءِ لیکہ  پیش کنت۔ تر ءُ تاب ءِ ساھت ءَ وفاقی وزیر ءِ اھوالکاری ڈی  ایٹ  ءِ سیکرٹری جنرل، باسکیں ملک آنی اھوالکاری ءِ وزیر، رسانکدر ءِ سروک ءُ جتا جتائیں میاں اوستمانی کارندہ آنی گوما ھم گند ءُ نند کنت۔ وفاقی وزیر اھوالکاری عطا اللہ تارڑ ءَ آذربائیجان ءِ صدارتی انتظامیہ ءِ درئی کارانی سروک حکمت حاجیوف ءَ گوں ھم گند ءُ نند کنت۔ وفاقی وزیر اھوالکاری آذربائیجان ءِ سرکاری ٹی وی ءِ ہم تر ءُ تاب کنت۔ اے موہ ءِ سر ءَ دوئیں ملک آنی نیام ءَ وت مہ وتی کمک ءَ را گیش دیم ءَ برگ ءُ میڈیا کمک ءِ شوبگ ءَ سیادی آناں نوکیں تک ءَ سر کنگ ءِ راہ آنی سر ءَ  ھیال ریچی  کنگ بیت۔