نائب مزن وزیر اسحاق ڈار ءَ برسلز ءَ یورپی یونین ءِ تہی کارانی ءُ مائیگریشن  ءِ کمشنر میگنس برنر ءَ گوں گند ءُ نند

برسلز۔20نومبر  (اے پی پی): برسلز ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ یورپی یونین ءِ تہی کارانی ءُ ہجرت ءِ کمشنر میگنس برینر ءَ گوں گند ءُ نند کت۔ پنچ شمبے ءِ روچ ءَ دری کارانی کارگس ءِ نیمگ ءَ جاڑی بوتگیں بیان ءِ رد ءَ گند ءُ نند ءِ ساھت ءَ نائب مزن وزیر ءُ دری کارانی وزیر سینیٹر محمد اسحاق ڈار ءَ گوستگیں وھد ءَ بوتگیں پاکستان ءُ یورپی یونین ءِ مہاجرت ءِ نقل و حرکت ءِ گپ ءُ تران ءَ را وش اتک کت ءُ یورپی یونین ءِ آسراتی ءُ ’’گپ ءُ تران ءِ فریم ورک‘‘ ءِ کارآمد ءِ سر ءَ زور پر دات۔ دوئیں نیمگ ءَ ہجرت ءُ مزدور ءِ  روگ ءُ آیگ  ءِ ھوالگ ءَ جیڈھ آنی سر ءَ دو نیمگی کمک ءِ تہ ءَ گیشی ءِ سر ءَ ساڑات۔ نائب مزن وزیر ءَ گوشت کہ پاکستان ’’یورا معاہدہ‘‘ ءِ سر ءَ عمل کنگ ءَ را دل یکیمی کنگ ءِ واستہ جزمیگ انت۔ یورپی یونین ءِ کمشنر میگنس برینر ءَ ناجائزیں ہجرت ءِ گر ءُ دار ءِ واستہ پاکستان ءِ کوشست آناں ساڑات۔ دوئیں نیمگاں ”پاکستان ءُ یورپی یونین ءِ ٹیلنٹ شریکداری ءِ روڈ میپ“ ءِ وسیلگ ءَ ناجائزیں ہجرت ءِ گر ءُ دار ءُ قانونی چینل آنی آسراتی ءِ تہ ءَ وتی حمایت ءُ کمک ءِ پدرائی کتگ۔ گند ءُ نند ءِ ساھت ءَ دری کارانی سیکرٹری آمنہ بلوچ ءُ یورپی یونین بیلجیم ءُ لکسمبرگ ءَ پاکستان ءِ سفیر رحیم حیات قریشی ھم ساڑی ات۔