سیکورٹی فورس آتا ضلع کرم اٹی 2 سرسہب آپریشن، بھارتی مخ تف فتنۃ الخوارج آتا 23 دہشت گرد آتے خلکر، آئی ایس پی آر

راولپنڈی۔ 20 نومبر (اے پی پی) سیکورٹی فورس آک صوبہ خیبرپختونخوا نا ضلع کرم اٹی 2 سرسہب آپریشن تیٹی بھارتی مخ تف فتنۃ الخوارج آتا 23 دہشت گرد آتے خلکر۔ پاک فوج انا شعبہ تعلقات عامہ (آئی ایس پی آر) آن جاری بیان نا رداٹ خوارج آتا ساڑی گری نا حوال ملنگ آ سیکورٹی فورس آک ٹارگٹڈ آپریشن کریر۔ کارروائی ٹی سیکورٹی فورس آک دہشت گرد آتا ٹھکانہ غاتے شست کریر۔ داوخت آ اسہ ایلو آ سم کاری ٹی 12 خوارج آتے جہنمی کننگا۔ ہندا علاقہ ٹی اسہ پین خوارج گروہ سے نا ساڑی گری نا حوال آتیا ارٹ میکو آپریشن ءِ کننگا ہراٹی سیکورٹی فورس آک پین 11 دہشت گردآتے خلکر۔ سیکورٹی فورس و کانود نافذ کروک آ ادارہ غاک عزم استحکام نا وژن نا رداٹ علاقہ ٹی بھارتی مخ تف خوارج آتا ساڑی گری نا چٹفنگ کن آپریشن ءِ برجاتخانو تانکہ ملکی و درملکی مخ تف دہشت گردی نا خطرہ غاتے ماس کش کننگے۔