صدر آصف علی زرداری نا خیبرپختونخوا ٹی بھارتی کاٹم خواجہی ٹی  لگوک فتنۃ الخوارج آتا برخلاف سرسہب کارروائی تیا سیکورٹی فورس آتے خراج تحسین

اسلام آباد۔ 20 نومبر (اے پی پی) صدر مملکت آصف علی زرداری خیبرپختونخوا ٹی بھارتی کاٹم خواجہی ٹی لگوک فتنۃ الخوارج آتا برخلاف برجا سرسہب آپریشن تیا سیکورٹی فورس آتے خراج تحسین پیش کرینے۔ پنچ شنبےنادے آ ایوان صدر نا پریس ونگ انا رداٹ صدر مملکت پارے کہ پاک فوج و کانود نافذ کروک آ ادارہ غاک وطن عزیز نا دفاع ءِ پورو ثابت گامی اٹ کننگ ءُ۔ او خیبرپختونخواٹی اینو23 خوارج آتا چٹفنگ و تدوک آ دے 4 دہشت گرد آتا خلنگ آ فورس آتا گچین حکمت عملی نا ستاءِ کرے۔ صدر مملکت بھارتی سرپرستی ٹی لگوک دہشت گرد نیٹ ورک آتے پِرغنگ آ سیکورٹی فورس آتا عزم و کسبی مہارت نا ستاءِ کرساپارے کہ پاکستان نا گل زمین آن پیشن نا کاٹم خواجہی ٹی لگوک دہشت گردی نا پورو چٹفنگ قومی امنائی سلاہ اٹ کننگ انگ ءِ۔ صدر مملکت آصف علی زرداری پارے کہ قوم شہید و غازی تا قربانی تے مدام یات تخک۔