مواصلات ءِ وفاقی وزیر عبدالعلیم خان ءَ اسرائیل ءِ بربریت ءِ مذمت کتگ

اسلام آباد۔13ستمبر  (اے پی پی):مواصلات ءِ وفاقی وزیر عبدالعلیم خان ءَ اسرائیل ءِ مزن وزیر بنیامین نیتن یاہو ءِ ضد ءُ زالمیں رویہ ءِ سک باز مذمت کتگ۔ آئی ءَ گوشت کہ اسرائیل مرچی دگنیا ءِ تہ ءَ ایوک ءَ اوشتاتگ وھدیکہ نیتن یاہو ءَ وت ءَ را یک بے رحم ءُ زوراکیں مردمے ءِ رنگ ءَ ثابت کتگ کہ آئی ءَ بے گناھیں زھگ ءُ بے سلاہیں شہری آنی سر ءَ بمبتراک کنگ ءَ انسانیت ءَ را شرمندگ کتگ۔ وفاقی وزیر ءَ گیش گوشت کہ قطر ءِ سر ءَ اسرائیل ءِ زوراکی افسوس ءِ گپ اِنت ءُ قطر 5می اسلامی ملک اِنت کہ یک سالے ءِ تہ ءَ اے وڑیں اُرش آنی دیم ءَ کپتگ کہ اے سرجمیں مسلم امت ءُ عرب ملک آنی واستہ جیڑگ ءِ جاور اِنت۔ ایکس ءِ سر ءَ شنگ کتگیں وتی پیغام ءِ تہ ءَ وفاقی وزیر عبدالعلیم خان ءَ اے گپ ءِ سر ءَ زور پر داتگ کہ داں مسلمانیں ملک ءِ تہ ءَ بھر ءُ بانگ ھست بہ بنت گُڈ سر ءَ ھرکس نشانگ جوڑ بوت کنت بلے اگاں مسلمانیں ریاست یکجاہ بہ بنت گڑا اسرائیل ءَ آیوکیں وھد ءَ ھچبر اے وڑیں زلم ءُ زوراکیانی کنگ ءِ جُہد نہ بیت۔ آئی ءَ اسرائیل ءِ زوراکی ءِ ھلاپ ءَ یورپی ملک آنی نیمگ ءَ وھد ءُ پاس ءِ سر ءَ جوانیں پسو ءِ ساڑات ءُ گوشت کہ اقوام متحدہ ءِ تہ ءَ پاکستان ءِ سفیر ءَ دلیری ءِ موقف پیش کنان ءَ میاں اوستمانی براتی ءِ ضمیر ءَ را بیدار کتگ۔ عبدالعلیم خان ءَ اے گپ ءِ سر ءَ زور پر دات کہ اسرائیل ءِ نیمگ ءَ بے گناہیں مردمانی کُشگ ءُ زانت ءُ زانگ ءَ چہ شہری آبادی ءِ گریبی ءِ برابر اِنت کہ اے گپ ءَ را ھچ وڑیں جاور ھال ءَ منگ نہ بیت۔ آئی ءَ گوشت کہ اسرائیل انسانیت ءِ دژمن ءُ ناشرکاریں ملک جوڑ بوتگ ءُ آئی ءِ دست بے گناھیں فلسطینی آنی ھون آنی رنگ ءَ مان انت۔ آئی ءَ یک رندے پدا گوشت کہ پاکستان کدی اسرائیل ءِ بربریت ءُ ناشرکاری ءَ را منگ نہ بیت۔