ورناہانی دیم ءَ اتکگیں فکری، چاگردی ءُ معاشی جیڑہانی گیش ءُ گیوار ایوک ءَ سیرت النبی (ص) ءِ وفاقی وزیر منصوبہ بندی پروفیسر احسن اقبال ءِ تعلیمات ءِ سرا عمل کنگ ءَ انت

لاہور ۔13ستمبر  (اے پی پی):منصوبہ بندی، دیمروئی ءُ اصلاحات ءِ وفاقی وزیر پروفیسر احسن اقبال ءَ گشتگ کہ رسول اللہ صلى الله عليه وسلم سرجمیں انسانیت ءِ ھاتر ءَ رژن ءِ چراگ انت ءُ مرچیگیں نوکیں دور ءَ ورناہانی دیم ءَ اتکگیں فکری، چاگردی ءُ اقتصادی چیلنج آنی گیواری ءِ ھاتر ءَ ایوک ءَ   نبی کریم ﷺ ءِ زانشت ءِ پد ءُ رند کنوک بہ بنت۔  آئی ءَ اے ھیالانی درشانی شمبے ءِ روچ ءَ ھائیر ایجوکیشن کمیشن آف پاکستان ءِ چیر دستی ءَ نثار فاطمہ انسٹی ٹیوٹ آف سیرات اینڈ وومن اسٹڈیز ءَ برجم داشتگیں راجی زالبول سیرت کانفرنس ءَ ھاسیں مہمان ءِ بستار ءَ گشتانک دیان ءَ کت۔ اے دیوان ءَ چہ سرجمیں ملک ءَ چہ بازیں دینی زانتکار، پٹ ءُ پولکار، وانگ ءُ زانگ ءِ زانتکار، نودربر ءُ زالبولاں بہر زرتگ ات کہ آہانی تہا ڈاکٹر ضیا الحق، ڈاکٹر سیدہ سعدیہ ءُ دگہ بازیں مردماں بہر زرتگ ات۔ وفاقی وزیر ءَ وتی گشتانک ءِ تہ گوشت کہ اسلام ءَ اولی رند ءَ زالبول آناں عزت ءُ عزت ءُ وانگ ءُ زانگ ءِ ھک داتگ ءُ زالبول آنی وانگ ءُ زانگ ءُ تربیت ءَ ابید ھچ چاگرد دیمروئی کت نہ کنت۔ آئی ءَ گوشت کہ حضرت محمد صلی اللہ علیہ وسلم ءَ یک انچیں ریاست ءِ جوڑ کتگ آئی ءِ بنیات انصاف، برابری، رواداری ءُ براتی ءِ سر ءَ بوتگ۔ اگاں ما اے رہبندانی سرا عمل بہ کناں گڈا پاکستان ءَ امن ءُ ایمنی ءِ ملکے جوڑ کنگ بوت کنت۔ آئی ءَ گوشت کہ مرچی دگنیا ءَ گیش بوھوکیں انتہا پسندی ءُ بہر ءُ بانگ ءِ ھلاسی ءِ واستہ رواداری ءُ براتی ءِ تعلیم شنگ ءُ تالان کنگ لوٹ ایت بلے بدبھتی ءَ مئے ایمان ءُ عمل ءِ تہ ءَ یک مزنیں کشکے پیداک بوتگ ایشی ءِ سبب ءَ مسلمان امت زوال ءِ تہ ءَ انت۔ آئی ءَ فلسطین ءِ سر ءَ اسرائیل ءِ زوراکی ءِ درور ءَ پیش کنان ءَ گوشت کہ دو ارب مسلمان بوھگ ءَ پد ھم ما بے وس ءُ ایشی ءِ اصل سبب قرآن ءُ سنت ءَ چہ دوری اِنت۔ وفاقی وزیر ءَ گوشت کہ اسلام ءَ چاردہ سد سال پیسر زالبول آنی ھک ٹھیک کتگ ات، آھاں وانگ ءُ زانگ ءُ کاروبار ءِ ھک داتگ ات، جنک ءِ رھشونی ءَ را یک نیکیں کارے لیک اتگ ات ءُ زالبول آنی چاگردی کرد ءَ را من اتگ ات بلے مرچی سوشل میڈیا ءِ سر ءَ اسلام ءُ مسلمانیں چاگرد آنی ھلاپ ءَ منفی پروپیگنڈا کنگ بوھگ ءَ انت۔ زالبولانی کردار کوش ءِ گر ءُ دار ءُ دروگیں الزام آنی گر ءُ دار ءِ واستہ یک موثریں ادارگ ءِ جوڑ کنگ بہ بیت۔ آئی ءَ وتی مات مرحوم نثار فاطمہ ءِ حوالہ ءَ گوشت کہ آ لوٹ ایت کہ یک انچیں ادارگے جوڑ کنگ بہ بیت کہ اودا زالبول سیرت النبی ءِ ھوالگ ءَ دنیا ءِ تہ ءَ اسلام ءِ راستیں نمائندگی ءَ بہ کن اَنت۔ آئی ءَ گوشت کہ ناموس رسالت ءِ کانود ءِ منظوری ءَ آئی ءِ مات ءَ راجدپتری کرد پیلو کتگ ءُ آئی ءِ پت جنت الباقی ءَ دفن اِنت، ایشی ءِ باوجود یک ورناھے ءَ آئی ءِ سر ءَ تیر جتگ کہ مرچی ھم آئی ءِ لاش ءَ ھوار اِنت۔ وفاقی وزیر احسن اقبال ءَ گوشت کہ اسلام مہر ءُ براتی ءِ دین انت ایشی ءَ را پٹ ءُ پول ءُ عمل ءِ وسیلگ ءَ شنگ ءُ تالان کنگ ءِ ضلورت انت۔ اے وھد گشتانک ءِ وھد نہ اِنت بلکیں عملی گامگیج زورگ ءِ وھد اِنت۔ آئی ءَ گوشت کہ حضرت محمد صلى الله عليه وسلم ءَ چاگرد دوستیں زندمان ءِ رہبند ءُ سبزیں معیشت ءِ سکین داتگ بلے ما ایشانی پد ءُ رند نہ کتگ۔ ملک ءِ مھکم کنگ ءِ ھاترا نوکیں ٹیکنالوجی، وانگ ءُ زانگ ءُ کاروبار ءَ را دیمروئی کنگی اِنت پرچا کہ مھکمیں معیشت ملک ءِ دفاع ءُ شرپ ءِ ضمانت اِنت۔ کانفرنس ءِ تہا زالبولیں نودربر آنی گلاں کردار ءِ جتا جتائیں تک ءُ پہناتانی بنیاد ءَ پٹ ءُ پولی گپ ءُ تران کتگ ءُ چاگرد ءِ تہا چاگردی برائیانی ھلاس کنگ ءِ ھاترا سوج ءُ پنت پیش کتگ۔ اے سفارشات ءِ تہا سوشل میڈیا ءِ سرا دروگیں پروپیگنڈا ءِ دیم ءَ دارگ ءِ ھاتر ءَ حکومتی تک ءَ یک دریگ ءِ شکایت ءِ نظام ءِ جوڑ کنگ، زالبولانی معاشی آجوئی ءَ را دل یکیمی کنگ ءُ سیرت النبی ءَ را گیش ءَ چہ گیش وانگ ءُ زانگ ءِ نصاب ءَ ہوار کنگ ھوار ات۔ ڈاکٹر ضیاء الحق ءُ دگہ گشتانک دیوکاں مچی ءَ گوں تران کنان ءَ گوشت کہ وھد ءِ لوٹ آنی رد ءَ پٹ ءُ پولی ادارگ سیرت النبی ءِ سر ءَ نوکیں رنگ ءَ پٹ ءُ پول بہ کن اَنت تانکہ اسلام ءِ اصل پیغام دگنیا ءِ دیم ءَ برجم دارگ بہ بیت۔ کانفرنس ءِ گڈسرا یک اجتماعی دعا ءِ کنگ بوت کہ اللہ تعالیٰ پاکستان ءَ را امن، دیمروئی، ءُ وشحالی ءِ راہ ءَ رہشونی بہ کنت ءُ مارا وتی زند ءَ سیرت النبی ءِ رد ءَ ڈھالگ ءِ توانائی بہ دنت۔