وفاقی داخلہ ءِ وزیر محسن نقوی ءَ خیبر پختونخوا ءَ 2 جتا جتائیں آپریشن ءِ تہا 35 فتنہ الخوارج ءِ ناشرکارانی کوش ءِ سرا سیکورٹی فورسز ءِ توسیپ کتگ

اسلام آباد۔13ستمبر  (اے پی پی):وفاقی داخلہ ءِ وزیر محسن نقوی ءَ خیبر پختونخوا ءَ 2 جتا جتائیں آپریشن آنی تہ ءَ 35 فتنہ الخوارج ناشرکار آنی کوش ءِ سر ءَ سیکورٹی فورسز آنی توسیپ کت ءُ آھانی پیشہ وارانہ لیکہ ءِ ساڑات کت۔ آئی ءَ سیکورٹی فورسز ءِ کارندہ آناں ھم سلام دات کہ آھاں خوارج ناشرکار آناں مثالی آسر ءَ سر کتگ۔ وزارت داخلہ ءِ رد ءَ محسن نقوی ءَ گشتگ کہ سیکورٹی فورسز ءَ وھد ءِ سر ءَ آپریشن کنگ ءَ خوارج ناشرکار آنی نا شریں ارادہ ناکام کتگ انت۔ آئی ءَ سیکورٹی فورسز ءِ پیشہ وارانہ صلاحیت آناں ساڑات ءُ گوشت کہ سیکورٹی فورسز ءِ کارندہ آناں سلام پیش کناں کہ آہاں خوارج ناشرکار آناں مثالی آسر ءَ سر کتگ۔ وزیر داخلہ ءَ جنوبی وزیرستان ءَ خوارج ناشرکار آنی ھلاپ ءَ بہادری ءَ گوں جنگ ءِ وھد ءَ 12 سیکورٹی فورسز ءِ کارندہ آناں ھم شگر ءُ منت گپت۔ وزیر ءِ توکی کار ءَ شہید آنی گس آنی گوما دل ءِ جہلانکی ءَ دلپدردی ءِ درشانی کنان ءَ گوشت کہ شھید آنی قربانی ناشرکاری ءِ ھلاپ ءَ مئے مھکمیں جزم ءِ آدینک انت۔ ھما شھیداں کہ پہ امن پہ وطن ءَ وتی سر ندر کتگ اَنت مئے شھری اَنت۔ راج شہیدانی ھاندان ءِ قرض ءَ ھچبر پچ نہ کنت۔