وفاقی وزیر قیصر احمد شیخ ءِ گشگ انت کہ سیلاب ءِ ریکوری ءِ ھاتر ءَ یکجاھیں پسو ، موسمیاتی پائیداریں گیواری ءِ زوتیں لوٹ انت

لاہور۔13ستمبر  (اے پی پی):سرمایہ کاری ءِ وفاقی وزیر ءُ سرمایہ کاری بورڈ ءِ چیئرمین قیصر احمد شیخ ءَ درستیں سٹیک ہولڈراں چہ یکجاہ بوھگ ءِ اپیل کتگ ءُ سیلاب ءِ سبب ءَ بوتگیں تاوان ءِ گیواری، فعال دراجیں مدتی منصوبگ بندی، دریا ءِ کش ءُ گور ءِ تجاوزات ءِ ھلاسی ءُ جنگلانی ھلاسی ءِ ھلاپ ءَ جنگ ءِ ضلورت ءِ سر ءَ زور پر داتگ۔ شمبے ءِ روچ ءَ یک انٹرویو ءِ تہ ءَ قیصر احمد شیخ ءَ وھد ءِ سر ءَ منصوبگ بندی ءِ کمی ءَ را یک کلیدی جیڈھ ءِ رنگ ءَ پدر کت ءُ جنوبی کوریا ءُ چین ءِ وڑیں ملک آنی پیشرفت ءَ را موثر دراجیں مدتی حکمت عملی ءِ مثال ءِ رنگ ءَ پیش کت۔ آئی ءَ سیلاب ءُ موسمی بدلی ءِ وڑیں آیوکیں چیلنج آنی گیواری ءِ واستہ یکجاھیں گامگیج ءُ جامع منصوبگ بندی ءِ ارزشت ءِ سر ءَ زور پر دات۔ آئی ءَ اے گپ ءِ سر ءَ زور پر دات کہ پاکستان ءَ را برجمیں دیمروئی ءُ لچک ءَ را دل یکیمی کنگ ءِ واستہ توامیں شوبگ آنی تہ ءَ یکجاھیں کوشست آنی ضلورت اِنت۔ آئی ءَ گوشت کہ چاگردی ھوپ آناں گر ءُ دار ءُ ملک ءَ را آیوکیں چیلنج آناں تیار کنگ ءِ واستہ ترندیں ءُ دراجیں مدت ءِ گیواری ءِ ضلورت اِنت۔ آئی ءَ گوستگیں سیلاب ءَ را راجدپتری لیک اتگ ءُ جار جتگ کہ آ گوستگیں 18ماہ ءِ راجی اسمبلی ءَ چہ وتی سرجمیں پگار ءَ را کمکی کار آنی تہ ءَ کمک کنگ ءِ ھاترا ندر کنت۔ آئی ءَ چنیوٹ ءَ فصلانی سکیں تاوان ءِ سر ءَ چمشانک دات ءُ گوشت کہ بازیں جانور آناں رکّینگ بوتگ وھدے کہ جانور آناں زندگ بوھگ ءِ واستہ زوتیں وھد ءَ وردن ءِ ضلورت اِنت۔ قیصر احمد شیخ ءَ اے گپ ءِ سر ءَ زور پر دات کہ مال ءُ مڈی آنی واستہ چارہ ءِ پجارینگ میتگ ءِ چاگرد ءُ آوانی روزگار ءِ واستہ المی انت پرچا کہ سیلاب ءِ سبب ءَ بازیں چراگجاہ آپ ءِ تہ ءَ کپتگ انت۔ یک جُستے ءِ پسو ءَ آئی ءَ پیپلز پارٹی ءِ اے تجویز ءِ ھم حمایت کتگ کہ بے نظیر انکم سپورٹ پروگرام ءَ چہ سیلاب ءِ آماچیں مردمانی کمک ءِ واستہ زرّ ءِ ھرچ کنگ بہ بیت، تاوان ءِ ھلاسی ءِ واستہ۔ قیصر احمد شیخ ءَ اے گپ ءِ سر ءَ زور پر دات کہ سیلاب ءِ سبب ءَ بوتگیں تباہی بے مثال اِنت ءُ اے سک باز المی اِنت کہ درستیں فریق یکجاھیں رھبند ءِ گوما یکجا بہ بنت تانکہ وھد ءِ سر ءَ ءُ جوانیں رنگ ءَ ریلیف ءِ پجارینگ بہ بیت۔ آئی ءَ اے گپ ءِ سر ءَ زور پر دات کہ چاگردی فلاحی فنڈز ءَ ھوار وسیلگ آناں ترندیں رنگ ءَ یکجا کنگ بہ بیت تانکہ آماچیں آبادی ءِ کمک ءُ آھانی بحالی ءِ آسراتی بہ بیت۔ دگہ یک جستے ءِ پسو ءَ آئی ءَ گوشت کہ مزن وزیر شہباز شریف ءَ موسمی مٹ ءُ بدلی ءِ وزیر ءَ را سکیں ہدایت داتگ۔ قیصر احمد شیخ ءَ گوشت کہ حکومت ءِ دلگوشی آیوکیں پالیشی آنی جوڑ کنگ ءِ سر ءَ اِنت تانکہ موسمیاتی چیلنج آناں گوں جوانیں رنگ ءَ گر ءُ دار کنگ بہ بیت۔ آئی ءَ اے گپ ءِ سر ءَ ھم زور پر دات کہ چاگردی اثرات ءِ کم کنگ ءُ ملک ءِ آیوکیں وھد ءِ ایمن کنگ ءِ ھاترا زوتیں گامگیج ءُ دراجیں مدتی رھبندانی ضلورت اِنت۔