پنجاب ءُ سندھ ءِ سیلاب ءَ چہ آماچیں دمگاں پاک بحریہ ءِ کمکی کار برجاہ انت، 24 کلاک ءِ تہا 478 مردم ایمنیں جاہاں شنگ کنگ بوتگ

اسلام آباد۔13ستمبر  (اے پی پی):پنجاب ءُ سندھ ءِ سیلاب ءِ آماچیں دمگاں پاک بحریہ ءِ کمکی کار برجاہ انت۔ سیلاب ءِ سنگینیں جاور ھال ءِ رد ءَ نیوی ءِ ایمرجنسی رسپانس ٹیم جلال پور ءُ ملتان ءَ ھم ایر کنگ بوتگ اَنت وھدیکہ کشمور، گھوٹکی، سکھر ءُ شکر پور ءَ استیں ٹیم کمکی کارانی تہ ءَ ھوار اَنت۔ ایمرجنسی رسپانس ٹیم ہوور کرافٹ، ریسکیو بوٹ ءُ ماہر ڈائیونگ ٹیماں گوں لیس انت۔ گوستگیں 24 کلاک ءِ تہ ءَ 478 سیلاب ءَ چہ آماچیں مردم جتا جتائیں آماچیں دمگ آنی تہ ءَ ایمنیں جاھاں شنگ کنگ بوتگ اَنت۔ پاک بحریہ ءِ نیمگ ءَ چہ رکینگ بوتگیں مردمانی کلیں کساس انوگ ءَ تاں 6860 ءَ سر بوتگ۔ آماچیں آبادی ءَ را مفت دوا ءُ درمان ءِ آسراتی ءُ المی ئیں درمان ھم دیگ بوھگ ءَ انت۔ پاک بحریہ زدگ بیتگیں مردمانی سرجمیں جان سلامتی ءَ تاں ھمک رنگ ءِ کمک کنگ ءِ واستہ جزمیگ انت۔