مزن وزیر شہباز شریف ءِ گشگ انت کہ ناشرکاری ءُ درملکی پراکسی ءِ ھلاپ ءَ راج یکجاہ بوتگ

بنوں۔ 13 ستمبر (اے پی پی):  مزن وزیر محمد شہباز شریف ءَ یک رندے پدا گوشت کہ سرجمیں راج خیبر پختونخوا ءَ ناشرکاری ءُ بربادی ءِ کار آنی تہ ءَ ھواریں عناصر آنی ھلاپ ءَ پاکستان ءِ بہادریں سلاہ بندیں اُرد آنی گوما درملکی پراکسی ھاسیں رنگ ءَ بھارت ءِ کمک ءَ گوں یکجا اِنت۔ آئی ءَ اے ھیالانی درشانی شمبے ءِ روچ ءَ بنو ءِ تر ءُ تاب ءِ ساھت ءَ سی ایم ایچ ءَ ٹپیگ آنی گند ءُ نند ءِ وھد ءَ میڈیا ءَ گوں تران کنان ءَ کت۔ مزن وزیر ءَ فیلڈ مارشل سید عاصم منیر ءُ کور کمانڈر پشاور ءِ ھواری ءَ ٹپیگیں اُرد آنی ھمت، مزن جزم ءُ راجی ازمت ءِ جزبگ ءَ را ساڑاتگ ءُ آوانی بے وسیں ازمت آناں شگر ءُ منت گپتگ۔ ایشی ءَ چہ پیسر مزن وزیر شہباز ءَ شھیدیں سپاھیگ آنی جنازہ ءِ نماز ءَ ھم بھر زرتگ ءُ آھاں ’’راج ءِ راستیں ھیرو‘‘ لیک اِتگ ءُ وعدہ کتگ کہ آھانی قربانی بے سوب نہ بنت۔ اے موہ ءِ سر ءَ تران کنان ءَ آئی ءَ اے گپ ءِ سر ءَ زور پر دات کہ پاکستان اوگانستان ءَ ھوار توامیں ھمساھگیں ملک آنی گوما ایمنی ءِ واھشت مند اِنت۔ بلے آئی ءَ عبوری اوگان حکومت ءَ چہ لوٹ کتگ کہ آ یک ھاسیں پیسلہ یے بہ کنت کہ آ پاکستان ءِ گوما جوانیں سیادی ءَ برجاہ بہ دار ایت یا فتنہ الخریج ءِ کمک ءَ بہ کنت۔ آئی ءَ گوشت کہ بندش جتگیں ٹی ٹی پی ءُ فتنہ الخریج بے گناہیں شہری ءُ مئے سیکورٹی فورسز ءِ سر ءَ اُرش کنگ ءِ ذمہ وار انت۔ اے وڑیں دژمنیں عناصراں پاکستان ءِ امن ءِ تہا ھرابکاری کنگ ءِ ھچبر اجازت دیگ نہ بیت۔ مزن وزیر شہباز شریف ءَ اے گپ ءِ سر ءَ زور پر دات کہ راجی دیمروئی ءُ وشھالی ءِ سیادی امن ءُ ایمنی ءَ گوں براہ راست اِنت۔ آئی ءَ یک رندے پدا گوشت کہ پاکستان ءِ شہید آنی قربانی مدام شرپ ءُ شرپ ءِ گوما یات کنگ بنت ءُ آوانی مشن برجاہ بیت۔ آئی ءَ اے ھم جار جتگ کہ ناشرکاری ءَ گوں گر ءُ چیل بوھگ ءِ واستہ زوت وفاقی کابینہ ءِ ھاسیں دیوان ءِ جار جنگ بیت۔ پاکستان ءِ دژمن وتی تباہ کنوکیں نظریہ ءَ مئے وطن ءِ سرا لگڑہ کت نہ کن انت۔ ما یکجاہ گوں سرجمیں زور ءَ آیاں ھلاس کنیں۔ ایشی ءَ چہ پیسر سی ایم ایچ بنوں ءَ سر بوھگ ءِ وھد ءَ فیلڈ مارشل سید عاصم منیر ءُ کور کمانڈر پشاور ءَ مزن وزیر ءَ را وش اتک کت۔ مزن وزیر شہباز شریف ءَ را دمگ ءِ سیکورٹی سناریو ءِ بابت ءَ سرجمیں بریفنگ دیگ بوت کہ ایشی ءِ تہ ءَ فتنہ الخریج، بھارت ءِ حمایت کتگیں پراکسی ءُ مغربی سیمسر ءِ سر ءَ کار کنوکیں آھانی آسراتی ءِ وسیلگ ءَ چہ پیداکیں ھترہ ھوار اَنت۔ آئی ءَ گوشت کہ اے وڑیں دژمنیں عناصر آناں دگہ مئے بے گناہیں شہری ءُ مئے بہادریں سیکورٹی فورسز ءِ سر ءَ اُرش کنگ ءِ موہ نہ دیگ بیت۔