مزن وزیر شہباز شریف 15 ستمبر ءَ قطر ءَ ہنگامی عرب اسلامی سروک دیوان ءَ بہر زوریت

اسلام آباد۔13ستمبر  (اے پی پی):مزن وزیر محمد شہباز شریف 15 ستمبر ءَ دوحہ ءَ بوھوکیں ہنگامی عرب اسلامی سروک دیوان ءَ بہر زورگ ءِ ھاترا قطر ءِ تر ءُ تاب ءَ کنت۔ فلسطین ءِ زوراکی ءِ واقعہانی تہا، اسرائیل ءِ غزہ ءِ سرا قبضہ کنگ ءِ جہد، مغربی کنارہ ءِ آبادیانی گیش کنگ ءُ فلسطینیانی زوراکی ءَ چہ یلہ کنگ ءِ جہد۔ ایشی ءِ تہ ءَ او آئی سی ءِ ملک آنی سروک، مزن وزیر ءُ مزنیں کارندہ آنی بھر زوری بیت۔ دیوان ءَ چہ پیسر 14ستمبر ءَ درئی کارانی وزیر آنی تیاری ءِ دیوان برجم دارگ بیت۔ نائب مزن وزیر ءُ دری کارانی وزیر سینیٹر محمد اسحاق ڈار تیاری ءِ دیوان ءَ بہر زوریت۔ جارکش ءِ رد ءَ پاکستان قطر ءِ گوما وتی سیادی ءَ سک باز ارزشت دنت ءُ قطر ءُ ایندگر دمگی ملکانی سر ءَ اسرائیل ءِ زوراکی ءَ را تچکیں مذمت کتگ۔ یکوئی ءُ دمگی یکوئی ءِ درشان ءِ رنگ ءَ مزن وزیر ءَ 11ستمبر 2025 ءَ دوحہ ءِ تر ءُ تاب کتگ ءُ قطر ءِ سروکی ءَ گوں گند ءُ نند کتگ، ایشی ءِ تہ ءَ پاکستان ءَ قطر ءِ ایمنی ءُ وت واجہی ءِ واستہ وتی بے دروریں کمک ءُ میاں اوستمانی تک ءَ امن ءُ ایمنی ءِ واستہ وتی عزم ءِ درشان کتگ۔