مزن وزیر شہباز شریف ءَ  فتنہ  الخوارج ءِ ناشرکارانی حلاف ءَ آپریشن ءِ ھاتر ءَ سیکورٹی فورسز ءَ را  توسیپ ءُ ستا

اسلام آباد۔13ستمبر  (اے پی پی): مزن وزیر محمد شہباز شریف ءَ ضلع بجاور ءُ ضلع جنوبی وزیرستان ءَ فتن الخوارج ءِ ناشرکارانی ھلاپ ءَ سوبمندیں آپریشن ءِ پد ءَ سیکورٹی فورسز ءَ را شگر ءُ منت گپت۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ تہ ءَ مزن وزیر محمد شہباز شریف ءَ اے آپریشن آنی تہ ءَ فتن الخوارج ءِ 35 ناشرکار آنی کوش ءِ سر ءَ سیکورٹی فورسز ءِ ساڑات ءُ توسیپ کتگ۔ مزن وزیر ءَ جنوبی وزیرستان ءِ ضلع ءَ آپریشن ءَ ناشرکار آنی گوما بہادری ءَ گوں جنگ ءِ وھد ءَ وتی جان ندر کتگ اَنت، مزن وزیر ءَ 12سیکورٹی فورسز ءِ کارندہ آناں شگر ءُ منت گپت۔ مزن وزیر ءَ شہیدانی بالادستیں رتب ءِ واستہ دعا کتگ ءُ آہانی گس ءِ گوما دلپدردی ءِ درشانی کتگ۔ مزن وزیر ءَ گوشت کہ سیکورٹی فورسز ناشرکاری ءِ ھلاپ ءَ جنگ ءَ سیس ءِ دیوال ءِ وڑ ءَ اوشتاتگ اَنت، سرجمیں راج شھید آناں سلامی دنت۔ مزن وزیر ءَ گوشت کہ ملک ءَ چہ ھمک رنگ ءِ ناشرکاری ءَ را سرجمی ءَ ھلاس کنگ ءِ واستہ جزمیگ آں۔