چینگڈو ۔13ستمبر (اے پی پی): صدر آصف علی زرداری ءَ چینگڈو ءَ دومی گولڈن پانڈا ایوارڈز انٹرنیشنل کلچر فورم ءَ گوں تران کنان ءَ مردم آناں یکجا کنگ ءُ تہذیب آناں یکجا کنگ ءِ تہ ءَ آرٹ ءُ کلچر ءِ طاقت ءِ سر ءَ زور پر دات۔ فورم ءِ تہا چین ءِ مزنیں رہشون، دود ءُ ربیدگ ءِ نمائندگ، ازمکار ءُ میاں اوستمانی نمائندہ آں بہر زرتگ ات۔ شمبے …
مردمانی یکجا کنگ ءُ تہذیب آنی یکجا کنگ ءَ آرٹ ءُ دود ءُ ربیدگ ءِ زور المی اِنت، صدر آصف علی زرداری
گیشتریں ھال
چینگڈو ۔13ستمبر (اے پی پی): صدر آصف علی زرداری ءَ چینگڈو ءَ دومی گولڈن پانڈا ایوارڈز انٹرنیشنل کلچر فورم ءَ گوں تران کنان ءَ مردم آناں یکجا کنگ ءُ تہذیب آناں یکجا کنگ ءِ تہ ءَ آرٹ ءُ کلچر ءِ طاقت ءِ سر ءَ زور پر دات۔ فورم ءِ تہا چین ءِ مزنیں رہشون، دود ءُ ربیدگ ءِ نمائندگ، ازمکار ءُ میاں اوستمانی نمائندہ آں بہر زرتگ ات۔ شمبے ءِ روچ ءَ صدارتی ایوان ءِ پریس ونگ ءِ رد ءَ صدر ءِ مملکت ءَ ایوارڈ زرتگیں مردم آناں مبارک بات داتگ ءُ آوانی نبشتہ کاری ءِ توسیپ کتگ ءُ گوشت کہ اے وڑیں ازمی کوشست سیم سر ءَ چہ دیم ءَ رو اَنت ءُ یکجائی انسانی ارزشت آنی وسیلگ ءَ مردم آناں یکجا کن اَنت۔ آئی ءَ سیچوان ءِ صوبہ ءِ حکومت، چین ءِ لبزانکی ءُ آرٹ سرکلز ءِ فیڈریشن ءُ فورم ءِ میزبانی ءِ ھاتر ءَ جارچین آنی منت گپت۔ اے موہ ءِ سر ءَ صدر ءَ چین ءِ کمیونسٹ پارٹی ءِ مرکزی کمیٹی ءِ سیاسی بیورو ءُ سیکرٹریٹ ءِ باسک ءُ سی پیک ءِ مرکزی کمیٹی ءِ پبلسٹی ڈیپارٹمنٹ ءِ وزیر لی شولی ءِ سیچوان ءَ گرمیں مہمانداری ءِ ھاتر ءَ منت گپت۔ آئی ءَ دومی گولڈن پانڈا ایوارڈز انٹرنیشنل کلچر فورم ءِ سوبمندیں برجم دارگ ءِ سر ءَ ھم جارچین آناں مبارکی دات۔ صدر آصف علی زرداری ءَ چین ءِ ”تہذیب تبادلہ ءُیکے دومی ءِ وانگ“ ءِ وژن ءِ پاکستان ءِ سرجمیں حمایت ءِ سر ءَ زور پر دات ءُ گلوبل ڈویلپمنٹ انیشیٹیو (جی ڈی آئی)، گلوبل سیکورٹی انیشیٹیو (جی ایس آئی) ءُ گلوبل گورننس انیشیٹیو (جی جی آئی) ءِ ارزشت ءِ ذکر کت کہ ایشی ءِ تہ ءَ پائیداریں میاں اوستمانی دیمروئی ءُ مزنیں کوآپریشن ءِ سر ءَ دلگوشی دیگ بیت۔ آئی ءَ گلوبل گورننس انیشیٹیو ءِ ارزشت ءِ سر ءَ زور پر دات کہ ایشی ءِ تہ ءَ تہذیب آنی تنوع، دود ءُ ربیدگ آنی نیام ءَ برابری، مردم آنی نیام ءَ تبادلہ ءُ دود ءُ ربیدگی گپ ءُ تران ءَ را ”تہذیب آنی ٹکر“ ءِ بیانیہ ءِ دیم ءَ دارگ ءِ رد ءَ دیمروئی دیگ بیت۔ صدر ءِ مملکت ءَ گوشت کہ پاکستان ءُ چین ءِ نیام ءَ دائمی دوستی ءِ بنیات وت مہ وتی احترام ءُ کمک ءِ سر ءَ اِنت، چیا کہ دوئیں ملک آیوکیں سال ءَ سفارتی سیادی ءِ 75می سالروچ ءِ درگت ءَ دارگ ءِ تیاری ءَ اَنت۔ آئی ءَ یات کت کہ اے شریکداری نہ ایوک ءَ اسٹریٹجک اِنت بلکینگ ءَ راج آنی نیام ءَ دوستی ءِ گہتریں بندوک آنی زندگیں وثیقہ اِنت۔ آئی ءَ پاکستان ءِ چین ءُ ایندگر ملک آنی گوما دود ءُ ربیدگ ءِ تبادلہ ءَ را گیش کنگ، نبشتہ کاری ءِ صنعت آناں مھکم کنگ ءُ درک ءُ رواداری ءِ دود ءُ ربیدگ ءَ را دیمروئی دیگ ءِ واستہ کار کنگ ءِ واھشت ءِ سر ءَ زور پر دات۔ آئی ءَ گوشت کہ دود ءُ ربیدگ امن، وشھالی ءُ انسانیت ءِ واستہ یک مشترکہ آیوکیں باندات ءِ واستہ یک ھاسیں پُل اِنت۔ صدر ءِ مملکت ءَ گوشت کہ دگنیا ءَ مزنیں مٹ ءُ بدل بوھگ ءَ انت۔ آئی ءَ صدر شی جن پنگ ءِ سروکی ءَ چین ءِ توسیپ کت ءُ گوشت کہ آئی ءَ دیم پہ دیم ءِ بدل ءَ کمک ءُ جیت ءِ گیواری ءِ پیشکش کتگ۔ آئی ءَ گوشت کہ اے گامگیج انسانیت ءِ یکجائی قدر ءُ قیمت آنی ھزمت کنگ ءِ وڑ ءَ من ءَ سک باز متاثر بوتگ۔
