صدر آصف علی زرداری ءَ چین ءِ کمیونسٹ پارٹی ءِ سروک ءُ وزیر لی شولئی ءَ گوں چینگڈو ءَ گند ءُ نند کتگ، سیاسی، اقتصادی ءُ دود ءُ ربیدگی پڑ ءَ دو نیمگی کمک ءَ را گیش کنگ ءِ بابت ءَ گپ ءُ تران

چنگڈو۔13ستمبر  (اے پی پی):  صدر آصف علی زرداری ءَ چین ءِ کمیونسٹ پارٹی ءِ مرکزی کمیٹی ءِ سیاسی بیورو ءُ سیکرٹریٹ ءِ باسک ءُ سی پیک ءِ مرکزی کمیٹی ءِ پبلسٹی ڈیپارٹمنٹ ءِ وزیر لی شولئی ءَ گوں چینگڈو ءَ گند ءُ نند کتگ ءُ سیاسی، اقتصادی ءُ دود ءُ ربیدگ ءِ پڑ ءَ دو نیمگی کمک ءَ را گیش کنگ ءِ سر ءَ گپ ءُ تران کتگ۔ شمبے ءِ روچ ءَ صدارت ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ صوبہ سیچوان ءِ مہمانداری ءِ منت گپت ءُ دومی گولڈن پانڈا ایوارڈز انٹرنیشنل کلچر فورم ءِ سوبمندیں برجم دارگ ءِ سر ءَ آھاں ءُ جارچین آناں مبارکی دات۔ صدر ءِ مملکت ءَ پاکستان ءُ چین ءِ نیام ءَ سیاسی، اقتصادی ءُ دود ربیدگی شوبگ آنی تہ ءَ کمک ءَ را گیش کنگ ءِ ارزشت ءِ سر ءَ زور پر دات ءُ مردم ءِ نیام ءَ مردم ءِ رابطہ ءُ مردم ءَ را سفارت کاری ءَ را گیش گہتر کنگ ءِ عزم ءِ سر ءَ زور پر دات۔ لی شولائی ءَ گوشت کہ چینی صدر شی جن پنگ ءَ صدر آصف علی زرداری ءَ را وتی نیکیں واھگ ءُ مبارکی دیم داتگ ءُ اے سال ءِ فروری ءَ صدر ءِ تر ءُ تاب ءِ ساھت ءَ گند ءُ نند ءِ یات ءَ گشتگ۔ آئی ءَ چائنا ڈیلی ءِ تہ ءَ صدر زرداری ءِ نوکیں نبشتانک ءِ ھم ساڑات۔ لی شولائی ءَ گوشت کہ آ ءُ صدر شی جن پنگ ءَ پاکستان ءُ چین ءِ شریکداری ءَ را مھکم کنگ ءِ واستہ صدر آصف علی زرداری ءِ نیمگ ءَ پیش داشتگیں سروکی ءَ را سک باز ارزشت دیگ ءَ انت۔ آئی ءَ گوشت کہ دگنیا بدل بوھگ ءَ انت بلے چین ءُ پاکستان مدام مھکمیں برات مان اَنت۔ مرچی دنیا ءَ بارود ءِ بو ءِ بدل ءَ کتابانی وشبو ءِ زلورت اِنت ءُ آئی ءِ مستحق اِنت۔ آئی ءَ اے باور ھم درشان کت کہ آیوکیں سالاں پاکستان ءُ چین ءِ دوستی گیش دیمروئی کنت۔