ڈائریکٹوریٹ آف الیکٹرانک میڈیا اینڈ پبلکیشنز ءِ نیمگ ءَ ائید ءِ درگت ءَ ھاسیں خطاطی ءِ نمائش ءِ بندوبست

اسلام آباد-12ستمبر (اے پی پی): ائید میلادالنبی ءِ موہ ءَ الیکٹرانک میڈیا اینڈ پبلکیشنز (ڈی ای ایم پی) ءِ ڈائریکٹوریٹ ءِ نیمگ ءَ پاک چین ءِ دوستی ءِ مرکز ءَ ھاسیں خطاطی ءِ نمائش ءِ بندوبست کنگ بوت۔ وفاقی سیکرٹری انفارمیشن اینڈ براڈکاسٹنگ امبرین جان ءَ اے مراگش ءَ بہر زرتگ ءُُ خطاطی گیلری ءِ چار ءُُ تپاسی کتگ۔ آئی ءَ دود ءُ ربیدگ ءُ ازمی کارانی دیمروئی ءِ ھاترا ڈی ایم پی ءِ کوشست آنی ستا کرتگ۔ ایگزیکٹو ڈائریکٹر ڈی ای ایم پی سمینہ فرزین ءَ گیلری ءِ جتا جتائیں دمگاں تر ءُ تاب کتگ ءُ خطاطی ءِ تہا بہر زوروکیں ازمکارانی جوانیں کار ءِ ستا کرتگ۔ نمائش ءَ چہ ازمکار آناں وتی توانائی ءِ درشان کنگ ءِ موہ رستگ وھدے کہ بھر زوروکاں اسلامی خطاطی ءِ زیبائی ءِ ستا کرتگ۔ اے موہ ءِ سر ءَ قرآن ءِ آیات آنی سر ءَ بنیات ءَ جوانیں خطاطی ءِ نمونہ پیش کنگ بوتگ اَنت کہ ایشی ءَ چہ دمگی خطاطی ءِ فنکارانہ مہارت آناں پدر کتگ۔ نات خوانانی بہر زورگ ءَ مراگش ءِ روحانی چاگرد گیش بوت۔ نمائش ءِ مول ءُ مراد اسلامی ھنر ءُ دود ءُ ربیدگ ءِ تہ ءَ خطاطی ءِ ارزشت ءِ پدر کنگ بوتگ۔ شریکیں مردماں چہ وشیں خطاطی ءُ نفیسیں ڈیزائناں گندگ ءَ سک باز وش بوتگ انت۔ اے مراگش عید ملاد ان نبی ءِ یک موزوںیں مراگشے ثابت بوت، ایشی ءَ چہ روحانی قدر ءُُ فن آرٹس ءَ را دیمروئی دات ءُ پاکستان ءِ مزنیں دود ءُ ربیدگی مڈی ءِ رکھینگ ءُ سہرا کنگ ءِ ارزشت ءَ را پدر کت۔