صدر آصف علی زرداری چین ءِ سرکاری تر ءُ تاب ءِ بندات ءَ چینگدو  ءَ سر بوتگ

چینگدوـ۔12ستمبر  (اے پی پی): چین ءِ سرکاری تر ءُ تاب ءِ بندات ءَ صدر آصف علی زرداری جمعہ ءِ روچ ءَ چینگدو  ءَ سر بوتگ۔ آئی ءَ را چین ءِ نائب وزیر ءِ درئی کار سون ویڈونگ ءُ سیچوان صوبہ ءِ نائب گورنر ہوانگ روئیکسو ءَ چنگدو شوانگلیو ءِ میاں اوستمانی بالی پٹ ءَ وش آتک کتگ۔ صدر ءِ مملکت ءَ وش آتک کنگ ءِ واستہ چین ءَ پاکستان ءِ سفیر خلیل ھاشمی ءُ پاکستان ءَ چین ءِ سفیر جیاشنگ زیڈونگ ھم ساڑی اتنت۔ صدر ءِ پریس ونگ ءِ نیمگ ءَ چہ جاڑی بوتگیں پریس ریلیز ءِ رد ءَ تر ءُ تاب ءِ ساھت ءَ صدر آصف علی زرداری مزنیں کارندہ ءُ مزنیں کارندہ آں گوں گند ءُ نند کنت ایشی ءِ تہ ءَ پاکستان ءُ چین ءِ سیادی ءَ را گیش مھکم کنگ، جتا جتائیں پڑ آنی تہ ءَ کمک ءَ را دیمروئی دیگ ءُ مشترکہ سٹرٹینی کوآپریٹو پارگی ءِ مول ءُ مراد ءِ چیر دستی ءَ دیم ءَ برگ ءِ ھوالگ ءَ ھیال ءُ لیکہ ءِ درشان کنگ بیت۔