قطر ءِ سر ءَ اسرائیل ءِ زوراکی یک مزنیں آشوبے، میاں اوستمانی کانود ءُ اقوام متحدہ ءِ منشور ءِ ھاسیں خلاف ورزی اِنت، درئی کارانی کارگس ءِ جارکش ءِ پریس بریفنگ

اسلام آباد۔12ستمبر  (اے پی پی): پاکستان ءَ براتیں ملک قطر ءِ سر ءَ اسرائیل ءِ زوراکی ءَ را سکیں مذمت کتگ ءُ گْوشتگ کہ اے اُرش یک مزنیں آشوبے ءُ قطر ءِ وت واجھی ءِ ھمراھی ءَ میاں اوستمانی کانود، اقوام متحدہ ءِ منشور ءُ دو نیمگی سیادی ءِ رھبندانی ھاسیں ھلاپ ورزی اِنت۔ درئی کارانی کارگس ءِ جارکش شفقت علی خان ءَ جمعہ ءِ روچ ءَ یک پریس بریفنگ ءِ تہ ءَ گوشت کہ پاکستان اے بے سوب ءُ ناجائزیں زوراکی ءِ ھلاپ ءَ قطر ءِ گوما سرجمیں یکوئی ءِ درشان کنت ءُ گوشت کہ اسرائیل ءِ اے کارروائی اسرائیل ءِ نیمگ ءَ چہ مدام میاں اوستمانی امن ءُ ایمنی ءَ را نادیدہ کنگ ءُ دمگ ءَ را بے رھبند کنگ ءِ پالیسی ءِ دگہ مثال اِنت۔ جارکش ءَ گوشت کہ پاکستان ءَ مُدام گوشتگ کہ میاں اوستمانی براتی اے رنگیں بے سزای ءَ برداشت مہ کنت۔ آئی ءَ گوشت کہ ما قطر ءِ حاکمیت ءُ دمگی ایمنی ءِ حمایت ءَ وتی اصولی موقف ءِ پدا پدر کن ایں ءُ میاں اوستمانی براتی ءَ را اسرائیل ءَ را احتساب کنگ ءِ لوٹ کن ایں ۔ جارکش ءَ گوشت کہ پاکستان راجی وت واجہی ءُ ایمنی ءِ دیمپانی ءَ قطر ءِ براتیں الس ءُ حکومت ءِ گوما ھمگام ءَ اوشتات کنت۔ آئی ءَ گوشت کہ گوستگیں روچ ءَ مزن وزیر محمد شہباز شریف ءَ دوحہ ءِ سر ءَ اسرائیل ءِ اُرش ءِ پد ءَ قطر ءِ الس ءُ حکومت ءِ گوما یکوئی ءِ درشان کنگ ءِ واستہ گوستگیں روچ ءَ قطر ءِ سرکاری تر ءُ تاب کتگ۔ شفقت علی خان ءَ گوشت کہ مزن وزیر ءَ 9ستمبر ءَ دوحہ ءِ سر ءَ اسرائیل ءِ اُرش ءِ سک باز مذمت کتگ ءُ ایشی ءَ را قطر ءِ وت واجہی ءُ دمگی ایمنی ءِ بے دروریں ھلاپ ورزی لیک اتگ۔ آئی ءَ قطری حکومت ءَ را اے بے جاہیں آشوب ءِ ھلاپ ءَ پاکستان ءِ سرجمیں یکوئی ءُ کمک ءِ دل یکیمی دات۔ آئی ءَ اسرائیل ءِ اے بربریت ءُ زھرناکیں اُرش ءَ جانی تاوان ءِ سر ءَ دلپدردی ءِ درشانی کتگ۔ مزن وزیر ءَ اے گپ ءِ سر ءَ زور پر دات کہ میاں اوستمانی تک ءَ اسرائیل ءِ زوراکی ءَ را گر ءُ دار کنگ بہ بیت ءُ مسلم امت ءَ را اسرائیل ءِ اشتعال انگیزی ءُ انگریز ءِ دیم ءَ دارگ ءِ واستہ وتی صف آنی تہ ءَ یکجا بوھگ ءِ ضلورت اِنت۔ جارکش ءَ گوشت کہ مزن وزیر ءَ گوشت کہ قطر ءِ لوٹ ءِ پد ءَ پاکستان ءَ اقوام متحدہ ءِ سلامتی کونسل ءِ ایمنی دیوان ءِ لوٹ کتگ تانکہ میاں اوستمانی جاور ھال آنی سر ءَ ھیال ءُ لیکہ کنگ بہ بیت۔ آئی ءَ 15ستمبر ءَ آیوکیں عرب اسلامی سروک دیوان ءِ میزبانی ءِ قطر ءِ پیسلہ ءِ ھم وش اتک کت۔