نائب مزن وزیر سینیٹر  محمد اسحاق ڈار ءَ کپاس ءِ فصل ءِ ھوالگ ءَ دیوان ءِ سروکی کنگ ءَ انت

اسلام آباد۔12ستمبر  (اے پی پی): جمعہ ءِ روچ ءَ نائب مزن وزیر ءُ درئی کارانی وزیر سینیٹر محمد اسحاق ڈار ءِ سروکی ءَ کپاس ءِ فصل ءِ ھوالگ ءَ دیوان برجم دارگ بوت۔ نائب مزن وزیر کارگس ءِ نیمگ ءَ جاڑی بوتگیں بیان ءِ رد ءَ دیوان ءَ کپاس ءِ پیداوار ءِ سر ءَ استیں جاور ھال آنی اثر، ممکنہ کمی ءُ سپلائی چین ءِ جیڈھ آنی سر ءَ چار ءُ تپاسی کنگ بوتگ۔ گند ءُ نند ءَ زرعی ٹرانسفارمیشن منصوبگ ءِ چیر دستی ءَ پیداوار ءِ تہ ءَ گیشی ، کشت ءُ کشاری ءَ را گہتریں کمک ءُ برآمدات ءِ تہ ءَ گیشی ءِ راہ آنی سر ءَ ھم ھیال ریچی کنگ بوت۔ دیوان ءَ را سرپد کنگ بوت کہ آپ ءِ کمی، موسمی بدلی، کشت ءُ کشاری ان پٹ، کیڑے مار دوا ءُ پراھیں ٹیکنالوجی ھما چیلنج اَنت کہ ایشی ءِ سر ءَ ترندی ءَ گوں دلگوشی ءِ ضلورت اِنت۔ نائب مزن وزیر ءَ کلائمیٹ اسمارٹ کشت ءُ کشاری ءِ ضلورت، پٹ ءُ پول ءِ تہ ءَ سرمایہ کاری ءُ حکومت، صنعت ءُ کشت ءُ کشاری ءِ نیام ءَ مھکمیں کمک ءِ ضلورت ءِ سر ءَ زور پر دات۔ گند ءُ نند ءَ فوڈ، فنانس ءُ کامرس، پلاننگ ءِ وزیر، مزن وزیر ءِ ھاسیں کمکار طارق باجوہ ءِ ھوار سیکرٹریٹ فوڈ، انڈسٹریز، ءُ وفاقی ءُ صوبائی محکمہ ءِ حکام ءَ شریک بوتگ۔